Mövludsuz 40 gün
Məcid Həsənli
Gənc yazar Mövlud Mövludu mən sadəcə Mövlud kimi tanıyırdım.
Yazıçılığından əvvəl mənim üçün gözəl insan idi Mövlud.
Davamını oxu
31/10/2016
Unudulan Vətən - Kərkük
Tarixi Azərbaycan şəhəri - Kərkük. Hazırda Türkmən eli adlandırılan bölgənin mərkəzi şəhərinin üzərində son günlər müxtəlif hadisələr cərəyan edir. Türkmənlər - Azərbaycan türklərinin özbəöz qandaşları bu qarışıqlıqda sözün həqiqi mənasında yetim qalıb. Nə böyük qardaş Türkiyə, nə də Azərbaycandan heç bir yardım, dəstək göstərilmir.
Türkmənlər Türkiyədən çox Azərbaycana yaxındır. Azərbaycan türkü ilə Kərkük, Mosul, Ərbildə yaşayan türkün dili tamamilə eynidir. Hətta, Türkiyə türkcəsi ilə Azərbaycan türkcəsindən daha yaxındır. Uman yerdən küsərlər deyiblər. Ona görə də İraq Türkmən Cəbhəsinin lideri Ərşad Salehi deyir ki, Azərbaycan bizi atıb. Hal-hazırda qarışıq vəziyyət hökm sürən İraqda müəyyən kürd qruplarına koalisiya qüvvələri, şiələrə İran, sünnilərə digər ərəb dövlətləri yardımlarını əsirgəmir. Əlbəttə, İran yardım adı ilə türkmənlər arasında da təfriqə salıb, milləti şiə-sünni parçalanmasına məcbur etmək istəyir.
Hər kəsə məlumdur ki, Türkiyə Suriyada müxalif qruplara hər cür yardım göstərir. Şimali İraqda kürd hərbçilərinə təlimlər keçir. Amma qeyri-müəyyən səbəblərdən öz millətindən olan türkmənləri unudub. Türkiyənin bu vaxtacan etdiyi yardımlar danılmazdır, lakin belə çətin vaxtda türkmənləri köməksiz vəziyyətdə qoyması anlaşılan deyil. Ola bilsin hansısa siyasətə öz qardaşlarını qurban verir.
Azərbaycan ərazisinin 20%-i işğal altındadır. Arxasında böyük güc olan düşmənlə bacarmaqda çox çətinlik çətir. Belə bir zamanda Kərkükə hərbi yardım göstərə bilməməsi başadüşüləndir. Ancaq maliyyə yardımı göstərmək elə də çətin deyil. Hər halda Azərbaycanla heç bir kök bağlılığı olmayan ölkələr üçün milyonlarla dollarlarla ölçülən yardımlar, məktəb tikintiləri, muzey təmirləri edilir.
Türkmən lider Ərşad Salehinin son müsahibəsindəki bəzi fikirlərə nəzər salaq. Bu fikirlərdən bəzilərini öz tvitter hesabında da ayrıca yazıb.
"Oyun içinde oyuna maruz kalan Türkmen bölgelerinin planını herkes biliyor ama çözüm için her kes sessiz ve "Bende de imkaniyet bu kader" der gibiler. Kerkükte oyun içinde oyun. PKK, YPG, PYD ve IŞİD; bunların Kerkükte bulunması size bir şey ifade etmiyor mu?
Can Azerbaycan, nerdesin nerde? Benim dedemin mezarı, 1918ten beri senin yanındadır. Türk coğrafyası birdir."
"Türkiye de bizi bırakıp. Azerbaycan ise, özellikle, bıraktı, sahip çıkmadı. Defalarca Azerbaycan hükumetine seslendim ki, burada senin halkın var. Baküdeki Türk, Kerkükteki Türk gibi konuşuyor, hiçbir farkımız yok. Irak Türkmenlerinin başkanı olarak, beni bir kere olsun o taraflara davet etmedi. Tüm Azerbaycan halkımıza selamlar gönderiyorum."
Gördüyümüz kimi, türkmənlərin Azərbaycandan istədiyi heç də maddi dəstək deyil. İlk öncə mənəvi dayaq istəyirlər. Dövlət olaraq, bəlkə hansısa qüvvələrdən qorxumuz var, ancaq ziyalılar, cəmiyyətdə az-çox söz, hörmət sahibləri niyə susur? Niyə öz etiraz səslərini ucaltmırlar?
Ölüm-dirim mübarizəsi aparan, ətrafı çoxsaylı düşmənlə mühasirədə olan dili dilimizdən, kökümüz bir türkmənlərə indi dəstək olmasaq, nə vaxt sahib çıxacağıq? Hər şeyi "yuxarıdan" gözləmək olmaz. Sən əgər özünü xüsusi fərd sayırsansa, öz qardaşlarına dəstək sözünü deməlisən, yazmalısan. İndi onların TIR-larla ərzağa yox, ən əvvəl mənəvi dəstəyə ehtiyacları var. Heç olmasa əmin olsunlar ki, Azərbaycan cəmiyyəti öz həmvətənini unutmayıb. İndi bunun tam zamanıdır.
Məcid Həsənli
24/10/2016
Yol
 |
| Quba |
Həyatda hər insanın bir yolu olur. Bir yol dediyim həmişə eyni cığırla gedmir. Keçmişdə kommunist, sonra cəbhəçi, sonda yapçı olanlar da çoxdur.
Necə ki, bəzi gənclər necə dəyişib inkişaf ediblər. Keçmişə küçə avarası olan sonradan kitab oxuyub normal gəncə çevrilib. Ya da qatı dindar ateist olub. İnsan bir qəlibdə qalsa, çürüyər. Daim dəyişib inkişaf edir. Bu yəqin ki, belə də olmalıdı.
Ancaq məndə fərqlidi. Məktəbdə oxuyanda "tərbiyəsiz uşaqlar" adlandırılan dəstəyə qoşulmadım.
Hərçənd ki, hamıyla normal, yaxşı münasibətim varıydı. Amma onlara qoşulmadımsa gərək ali məktəbə girəndə prezident təqaüdçüsü olardım. Lakin heç bir zad olmadım. Yuxarı siniflərdə artıq mən özümü qəlibə salınmış hiss elirdim. "Bu ağıllı uşaqdı", "Heç kimə qoşulan deyil." Çox müəllim dəsr soruşmamış babat qiymətlər yazırdılar. Nəticədə, ortabab balla istəmədiyim yerə girdim. Ona görə də, ali təhsil də ala bilmədim. Diplom aldım, o ayrı məsələ.
Sıxıla-sıxıla gəlib bu günlərə çıxdım. Deyəsən, yenə sıxıntıdayam. Özümü sıxıram, qıraqdan sıxılıram. Tam sözümü, nə etmək istədiyimi ifadə edə bilmirəm. Hər zamanın da öz səbəbləri olur.
14/10/2016
Pulsuz Green Card-a qoşulma
 |
| Pulsuz Green Card-a qoşulma |
GREEN CARD NƏDİR?
Amerika Birləşmiş Ştatları Qaçqın Bürosu, ölkənin əhali sayındakı mədəniyyət müxtəlifliyini artırmaq məqsədilə hər il dünyanın bir çox fərqli ölkəsindən qaçqın vətəndaş qəbul edir. Amerikada mühacir kimi yaşamağın yollarından biri də, Amerika Birləşmiş Ştatlarının 1990-ci ildən bəri rəsmi olaraq qüvvəyə qoyduğu Green Card çəkilişinə (Diversity Visa Program) iştirak etməkdir. Aparılan bu çəkilişlə hər il təxminən 55.000 xarici ölkə vətəndaşı Green Card sahibi olur.
Çəkilişi qazanan şəxslər ABŞ-da daimi yaşama və işləmə icazə, digər adı Yaşıl Kart (Green Card [qrin kard]) əldə etmiş olur. Yaşıl Kartın udulması halında öz vətəndaşlığına davam edərkən, Amerikan vətəndaşlarının istifadə etdiyi bir çox hüquqdan da istifadə etmək hüququnuz olur. Green Card aldıqdan 5 il sonra diləyən Yaşıl Kart sahibi, Amerika vətəndaşlığına müraciət edə və tam vətəndaşlıq ala bilər.
Bu yazıda sizə Green Card üçün necə pulsuz qeydiyyatdan keçməyi izah edəcəyəm. Şəkilləri izləyib özünüz heç bi rödəniş etmədən Yaşıl Karta qoşula bilərsiniz.
Başlayaq:
Əvvəlcə bu linkə daxil olun: https://www.dvlottery.state.gov/
Sonra da şəkillərdə kimi davam edin:
Əgər haradasa yanlışım varsa, düzəltə bilərəm.
Hər kəsə uğurlar!
Əgər əlavə məlumat lazım olsa, şərh yazın və ya mənimlə əlaqə saxlayın.
Yazını sosial şəbəkələrdə paylaşaraq, başqa insanları da maarifləndirə bilərsiniz.
Məcid Həsənli
28/07/2016
24-cü il
Bəlkə də bunu gələn il yazmalıydım, bir il tələsdim.
Gəlib 24 yaşa çatdım.
Bu qədər zamanın çoxunu, özümü dərk edən vaxtdan bağçada, 11 illik məktəb həyatı, 4 illik lazımsız universitet, mənim daha 1 il vaxt itirməyimə səbəb olan həbi xidmətdə keçirtdim.
İndiyədək həmişə başlıca olaraq hər addımda ailəmi düşünmüşəm. Yəni, atdığım addım ailəmin xoşuna gəlməlidi, bəyənməlidi. Lakin başqalarına zərər verməmək şərti ilə.
Bu qədər zamanın çoxunu, özümü dərk edən vaxtdan bağçada, 11 illik məktəb həyatı, 4 illik lazımsız universitet, mənim daha 1 il vaxt itirməyimə səbəb olan həbi xidmətdə keçirtdim.
İndiyədək həmişə başlıca olaraq hər addımda ailəmi düşünmüşəm. Yəni, atdığım addım ailəmin xoşuna gəlməlidi, bəyənməlidi. Lakin başqalarına zərər verməmək şərti ilə.
***
Ailəmin mənə verdiyi tərbiyə isə, ayrı söhbətin mövzusudur. Qısaca, onu deyə bilərəm ki, həyatım boyu buna görə ancaq çətinlik yaşamışam. Yalan danışma, düzgün ol, pislik etmə və sair və ilaxır. Mənə çoxlu yalanlar danışıldı, pisliklər edildi, aldatıldım və buna bənzər şeylər. Əgər mən əclaf olsaydım, özüm hamıya qarşı bu əməlləri törətərdim və mənə qarşı belə edənlərin də hərəkətlərini əvvəlcədən hiss edə bilərdim. Məsəl var axı, hamı hamını özü kimi bilir. Mən də özüm kimi bildikcə, kiçik və ya orta, daha böyük zərbələr aldıqca əslində həyatın başqa cür olduğunu dərk etməyə başladım. Məncə, hələ də öyrənirəm. Kamilliyə yetişməmişəm hələ.
***
Bu 24 ildə ən çox heyfsləndiyim illəri 4+1 kimi xatırlayıram. Ali məktəb və hərbi xidmət. 4 il boş-boş universitetə görə vaxrım itdi. Sonradan anladım ki, təhsil almaq istəyən, bizim ölkədə ali məltəbə daxil olmasın gərək. Məqsədi diplom almaq olarlar üçün isə, hər şey əladır. Bizim təhsilimiz diplom verir, ali təhsil vermir. Gərək özün özünü yetişdirəsən. Əlbəttə, bu 4 ildə elm istisna olmaqla, başqa şeylər, zadlar öyrəndim. O baxımdan xeyri oldu, danmıram. Ancaq təhsil almaq barəsində bunu demək çətindir. ...Və qırmızı kitabçadan başqa heç bir xeyri dəyməyən hərbi xidmət. Guya onunla işə girmək rahatdı. Normal işlərə gormək üçün gərək 15-20 min pulun olsun, ilk əvvəl. O qırmızı kitabçanı sonra soruşurlar. Bundan əlavə, ölkəmizdə onlarla, yüzlərlə hərbi xidmət keçməyən, ancaq hamıya nümunə göstərilən şəxslər var. 1 ildə həyatın müxtəlif sifətlərinə agah oldum. Zabit, gizir, MAXE, əsgər... Hamısı azərbaycanlılar olub deyə, bütünlüklə bu zümrələrdən birini xüsusi vurğulamaq olmaz ki, bu dəstəyə aid adamlar yaxşı adamlar idi. Meşə çaqqalsız olmaz, bizim cəmiyyət də oğraşsız.
***
Ali məktəbdə oxuyanda ədəbiyyata gəlməyə addım atdım. Qapını açdım, girdim içəri, gördüm hamı yazır, oxucuları da şamla axtarırlar. Ona görə də, qapının tutacağını buraxmamış geriyə döndüm. Amma, əgər ürəyində yazmaq cərəyanı varsa, elektrik bir gün yenə özünü göstərəcək.
Ardı olacaq...
Məcid Həsənli
Ardı olacaq...
Məcid Həsənli
Davamını oxu
Subscribe to:
Posts (Atom)
Designed By: Blogger Templates | Templatelib