Axundovçuluq, yoxsa polis qorxusuyla mütaliə?

Axundovçuluq, yoxsa polis qorxusuyla mütaliə?

December 18, 2012   Digər saytlarda, Köşələrim,

Məcid Həsənli

"Hər bir fəlsəfi ideya öz dövrünün hakim fəlsəfəsi ilə mübarizəyə girir, zaman keçdikcə onun taxtına yiyələnir və yeni fəlsəfələrə qarşı mübarizəyə başlayır" - deyir. Hələ əlavə edir ki, guya indi Axundovun, Mirzə Cəlilin, Sabirin cəhalətə qarşı mübarizəsi öz dövrlərində aktual olub, indi kitab, qəzet çap olunur, teatr var. 

Davamını oxu

Əsgərliyə gedib ölmək

Əsgərliyə gedib ölmək

November 27, 2012  

İndicə bir xəbər gördüm "Azərbaycanda bir ayın əsgəri xəstəlikdən ölüb".

"Müdafiə Nazirliyinin mətbuat xidmətinin rəis müavini, mayor Teymur Abdullayev APA-ya faktı təsdiqləyib. O, qeyd edib ki, əsgər ağciyər və ürək-damar çatışmazlığından vəfat edib. "

Sözün həqiqi mənasında qorxuya düşdüm. İnşallah, əgər ölməyib qalsam, - bu əsasən Nəqliyyat Nazirliyindən asılıdır - 2013-cü ildə əsgərliyə gedəcəyəm. Mən nə bilim ki, mənim də aqibətim belə olmayacaq?

Deyə bilərsiniz ki, get özünü yoxlatdır ki, biləsən nəyin var, nəyin yox. Qəti olaraq deyirəm ki, mən gecə-gündüz Allaha dua edirəm ki, məni həkimə göndərməsin. Çünki, hər kəs bilir tibb sistemimiz nə gündədi, yaxşı həkimlərin xaricə qaçdığını. Bunu birdə uzun-uzadı sadalamaq istəmirəm.

Demək gəlib çatacaq vaxt, gedəcəyəm hərbi həkim yoxlamasına, hər hansı bir xəstəliyim olacaq, lakin onlar bilməyəcək və ya bilib deməyəcək, nəticədə bir aydan sonra öləcəyəm. Belə.

Bu ölkənin yiyəsi var? Davamını oxu

Bu günün tələbəsi, sabahın anası

Bu günün tələbəsi, sabahın anası

October 18, 2012  

Universitetdə mühazirələrdə bəzən olur ki, hər hansı məsələ üzrə mübahisələr yaranır. Günlərin bir günü mövzu Çingiz Aytmatovun “Cəmilə” povesti idi. Gənc müəlliməmiz əsər barədə məlumat verəndə əlavə elədi ki, mən şəxsən Cəmilənin bu hərəkətini bəyənmirəm. Sonra ordan-burdan hərə bir söz dedi. Mübahisə qızışdı. Auditoriyada hərə öz fikrini demək üçün yarışırdı. Söhbət o yerə gəlib çıxdı ki, artıq mentalitet tərəfdarları ilə haqq-ədalət təəssübkeşləri qarşı-qarşıya qalmışdılar. Birdən arxadan M. adlı oğlan dedi ki, qadın azad olmalıdı. Elə bu sözü eşidən kimi bəzi uşaqlar az qaldı ki, qalxıb öldürsünlər onu deyəni. Hələ evli tələbə qızlardan biri oğlanlara dedi ki, siz istəyərdiniz həyat yoldaşınız AZAD olsun? Elə “qarğa bazarı” olmuşdu ki, cavab verən olmadı.

Görün Azərbaycanın bugünki müasir tələbəsinin “azad qadın” anlayışı necədir? Əsas da qızları deyirəm. Onlara elə gəlir ki, AZAD demək çox pis sözdür. Hələ lap “nervinni”si qabağınıza çıxsa, buna görə sizə zərbə endirə bilər. Belə düşüncəli qızlar, sabah gələcək nəsillərə analıq edəcəklər. Bəs, o nəsillərdən necə nəsil yaranacaq?
Davamını oxu

Bakı: yağışdan sonra

Bakı: yağışdan sonra

October 15, 2012  

rain in Baku (14.10.2012)

Davamını oxu

Bir müsəlman şəhərində

Bir müsəlman şəhərində

October 12, 2012  

Gözümü açandan dünyanın müsəlmanlara düşmən münasibət göstərdiyini görmüşəm. 

Faktdır ki, İslam dünyanın hər yerində qarşısıalınmaz sürətlə yayılır. Digər dinlər belə yayılmır. Hətta, xristian missionerlər belə pul və başqa maddiyat qarşılığında öz dinlərini İslam qədər yaya bilmir. Bunu görən bəzi Qərb dairələri, müxtəlif institutlar müsəlmanların hisslərini sınağa çəkmək üçün tədbirlər fikirləşirlər. ABŞ-da bir neçə dəfə Qurani-Kərimin yandırılması və sonuncu da müsəlmanları təhqir edən filmin çəkilməsi bunu deməyə əsas verir. Elə bil kimlərəsə maraqlıdır ki, İslamı qəbul edənlər aşağılansın, təhqir edilsin və nəticələrə baxıb öz məqsədləri üçün istifadə etsinlər. Dünya müsəlmanlarının filmə reaksiyası isə çox kəskin oldu. Onsuz da bu əvvəlcədən bilinirdi ki, belə olacaq. Günahsız diplomatlar öldü. Film çəkmək istəyinin belə pis nəticələr doğurduğunu görən Amerika hökuməti, hiddətlənmiş müsəlmanların qəzəbindən qorumaq üçün prodüseri həbs etdirdi. Rejissor isə, harasa qaçıb, ya da bilə-bilə gizlədilib.

Keçək bizim öz hicab məsələmizə. Təhsil Nazirliyi (TN) iddia edir ki, azyaşlı qızların məktəbə hicabla gəlməsi yolverilməzdir. Niyə? Onlar hələ balacadır, böyüyəndə istəsələr taxa bilərlər. Həqiqətən də, TN bir çox Türkiyə universitetlərindən fərqli olaraq, ali məktəblərdə hicaba qadağa qoymayıb. Düşünmək olar ki, TN-nin mövqeyi doğrudur. Dünyəvi ölkədə dini geyim nədir? Lakin bir şeyi də deyim ki, əgər xristianlar və ya yəhudilərin dini simvollarla orta məktəbə getmək arzusu olsaydı, inanmıram nazirlik buna qarşı olardı.

Biz dünyəvi sistemli dövlətdə yaşayırıq axı. Hər bir vətəndaş öz dininin tələblərinə uyğun geyinməlidir. Əlbəttə, bu da məcburi deyil. Amma konstitusiyamızda yazılmış “insan hüquqları” deyilən hüquqlarımız olduğundan, kiməsə nəyisə geyinib-geyinməməyi təzyiq etmək olmaz. Kim istəyər “şortik” geyinər, kim istəyər hicab taxar. Buna görə də, məncə, əhalinin böyük hissəsi olan müsəlmanlara hicab qadağası qoyulmamalıdır. Hər halda bizim müqəddəs kitabımız hicabı məsləhət görür.

Və son aksiya. Bizim hicab tərəfdarı olan insanlarımız. Onlar istəklərini düzgün ifadə etmədilər.

Bəs bizim kimi dünyəvi dövlət quran müsəlmanlarla geridəqalmış asiyalı müsəlmanların fərqi qalmadı? Əllərinə taxta, dəmir götürüb polisin üzərinə hücum etdilər. Bu mənzərəyə də ən çox sevinən xarici qüvvələr oldu yenə. Axı biz belə vəhşi deyilik. Biz bəyəm liviyalıyıq? Polis zəif olsaydı, bəlkə basıb girərdilər nazirliyin binasına. Bəlkə də işçilərdən bir neçəsini edam edərdilər.

Bəli. İslamı qəbul etmiş hər bir adam şəriət əsasında yaşamağı özünə vacib saya bilər. Lakin bu müasir yaşayışa uyğunlaşdırılmalıdı. Yoxsa ki, Səudiyyə Ərəbistanındakı kimi qılıncla baş kəsmək dövrü deyil indi. Hicab tərəfdarları ilə TN arasında məsələyə ortaq məxrəc tapılmalıdır. Hər iki tərəf özlüyündə haqlıdır. Bir tərəf deyir müsəlmanın qızı hicablı olmalıdır, digəri deyir yox, qızlar böyüyüb özləri qərar verməlidir ki, hicabdan istifadə edək, ya yox.

Radikaltəhər aksiya keçirməklə heç nəyə nail olmaq olmaz. Pakistanda, Misirdə, Liviyada, Əfqanıstanda və daha başqa müsəlman ölkələrində mənasız bir filmə görə o qədər yeri yıxıb dağıtdılar, hay-haray. Əvəzində nə oldu? Ziyanı öz ölkələrinə vurdular, xaric də onları bir vəhşi kimi təqdim etdi. Dünyanın İslama olan mənfi baxışını məhkəmlətməyə xidmət etdi.

Düşünüb hərəkət etmək lazımdır, qardaşlar!

Davamını oxu

20

20

July 31, 2012  

Dünən 20 yaşım oldu. İstədim nəsə bu haqda bir-iki cümlə yazım. Öz şəxsi xarabamdı da, nə istəsəm yaza bilərəm :)

Deməli 20 ildir həyatdayam. Bu illərdə tam məsuliyyətlə deyirəm kiməsə pisliyim dəyməyib, quyu qazmamışam, kiməsə qarşı əclaflıq eləməmişəm, həmişə vicdanlı insan olmağa çalışmışam. Pis yaxşı az da olsa, yaxşılığım dəyib. Bu haqda başqa yerdə danışmıram, çünki hamı - şəxsən tanıdığım əclaflar da - belə deyir deyə "yaxşı-pis" söhbətinin hörməti yoxdu.

Keçim 29 İyulda baş verən digər önəmli hadisələrə. Əsas hadisəni bilirsiz :D.

İnternetdə axtarış edib, bunları seçdim:

1881. Fransada mətbuat azadlığı haqqında qanun qəbul edilib

1883. İtalyan hərbi və siyasi xadimi Benito Mussolini anadan olub

1957. Atom Enerjisi Üzrə Beynəlxalq Agentlik (AEBA) təsis edilib

1958. NASA aerokosmik agentliyi təsis edilib

1980. Sonuncu İran şahı Məhəmməd Rza Pəhləvi Qahirədə dəfn edilib

1993. Birləşmiş Millətlər Təşkilatı Təhlükəsizlik Şurası 853 saylı qətnaməni qəbul edib

1995. Azərbaycan və Almaniya arasında maliyyə əməkdaşlığı haqqında Saziş (Layihə: qaçqınlara təcili yardım proqramı) imzalanıb

1999. Azərbaycan Respublikası Prezidenti “Dövlət gənclər siyasəti haqqında” Fərman verib Davamını oxu

Ramazan özbaşınalığı

Ramazan özbaşınalığı

July 21, 2012  

Müqəddəs Ramazan ayı başladı. Ancaq hər ilki kimi yenə də müəyyən çaşqınlıq yaratan qüvvələr var ölkədə. Bəlkə elə də böyük qəbahət saymazsınız bunu, amma yenə də özbaşınalıqdır.

Deməli, QMİ Ramazan ayının təqvimini elan edib öz saytında yerləşdirib və bəzi başqa KİV-lər o boyda Qafqaz Müsəlmanları idarəsini inkar etməyə cürət tapır.

Ölkədə hər işə baxan müəyyən idarə, təşkilat var və hərə öz sahəsinə uyğun qərarlar qəbul edəndə əhali buna riayət etməlidir. Lakin ...

[caption id="attachment_393" align="aligncenter" width="376"] Twitter-də Deyerler.org saytının nümayəndəsi ilə söhbətim[/caption]

... hər şeyi şəkildə oxudunuz yəqin. Yəqin ki, güclü dövlətimiz müsəlmanlar tapşırılan idarəsi bu barədə nəsə tədbir görəcək.

P.S

İstifadəçinin adını göstərmədim ki, onsuz da bunun o qədər də əhəmiyyəti yoxdur. O öz fikri ilə danışmır. Davamını oxu

Ans, Hollivud və yenə də mən

Ans, Hollivud və yenə də mən

July 19, 2012  

[caption id="" align="alignleft" width="360"] "Friends With Benefits" filmindən[/caption]

Xatirələrdən bəhs edəcəyəm.

Etiraf edirəm ki, uşaqlığımda indikindən daha çox televizora çox vaxt ayırırdım. İndi heç baxmıram demək olar ki.

Ən əsas Ans-in "Xəbərçi"sini qaçırmırdım. Səhər 9-da, günorta 12, sonra 3, daha sonra 6 və ən axrıncı, əsas axşam 9 xəbərlərinə diqqətlə baxırdım. Bu vərdişim son bir-iki ilədək davam etdi.

Elə uşaqlığımda daha çox filmlərə də Ans-də baxırdım. Ən çox da Hollivud filmlərini sevirdim, deyəsən hələ də sevirəm :).

Bəlkə də Hollivud filmlərini ABŞ görüntüləri varıydı deyə xoşlayırdım. O vaxtlardan haçansa Nyu-Yorku, San-Fransiskonu, Los-Ancelesi görmək arzusu yaranıb.

Adam nə qədər o filmlərə baxsa, o qədər ABŞ-ı sevir. Bəziləri deyir bu təbliğatın bir hissəsidi filan, amma təbliğatdısa da, xeyirlidir.

Gəl görüm Rusiyanı sevə bilərəm? Milyon filmə də baxsam, Rusiya beynimin cəhənnəmində öz yerini tutub artıq.

Digər tərəfdən bu ABŞ filmləri məni xəyal qırıqlığına uğratırdı çox vaxt. Mən "ağıllı uşaq" olduğuma görə yalnız məktəbə, ordan da yalnız evdən icazə verilən adamlarla görüşmək və yenidən evə rejimi ilə yaşayırdım. Doğma yurdun insanlarını, əslində acınacaqlı olan vəziyyəti az görürdüm.

Həyata dair təsəvvürlərim TV və az-az oxuduğum kitablardan ibarət idi.

Sonra illər keçdikcə gördüm ki, hər şey Amerika filmlərindəki kimi deyilmiş. Bura Absurdistandı. Mamedstan deyənlər də var.

Təkcə bir misal deyim, bitirim. Bu gün baxdığım filmdə obrazlardan biri digəri deyir: "Obamanı üz qabığına qoymağımız uğursuz olacaq. Bu yekəqulaqla kim yatmaq istəyər axı. Sənə yekəqulaq lazımdı?"

Demokratiya olan yerdə söz azadlığı da olar, deməyə söz tapılmayan milyonla büdcəsi olan film də. Davamını oxu

Mənim din və İslamla bağlı fikirlərim

Mənim din və İslamla bağlı fikirlərim

July 14, 2012   yazı,

Əvvəla deyim ki, bu şəxsi bloqdur, mənim bloqumdur, öz fikirlərimi yazmaq üçün yaratmışam, ona görə də "mənim fikirlərim"i görüb deməyin ki, sən kimsən ə, sənin fikrini oxuyaq. Birincisi oxuyan oxusun, oxumayan da özü bilər, ikincisi hal-hazırda ikinci cümləmi oxuyursansa deməli oxumaq qərarını vermisən, çox sağ ol.

Dünən Asim Zaxarov dostumuz bloqunda "Əsl İslam bu deyil" yazısını yayımladı. KREATİV nəsə olmasa da, özünə görə rezonans doğurdu.

Mən və din

Mən müsəlman doğulmuşam. Valideynlərim müsəlman olduğuna görə mən də istər-istəməz İslamı qəbul etməmiş filan müsəlman olmalıyam.

Mən Allaha inanıram, hər gün dua edirəm ona.

Yalnız Allaha inanıram, sonradan yaradılan qondarma "müqəddəslər"ə inanmağa özümü borclu saymıram. Məhəmməd peyğəmbərə gəldikdə isə, özünün dediyi ki, o da bizim kimi adi insan olub. Sadəcə, peyğəmbərlik vəzifəsi ona layiq görülüb.

İslamı nə qədər iyrəncləşdirsələr də, mən dinimdən imtina edən deyiləm. Çünki, bu inamı mənə heç bir molla, şallaq, mədrəsə verməyib. Belə doğulmuşam, dinimi də sevirəm.

İslamı nə qədər çox sevsəm də, digər dinlərə də o qədər hörmət edirəm. Bütün dinlər Allaha tərəf uzanır, oxunan "kitab"ın, "kitab"ın dilinin fərqi yoxdu.

Və ateistlərin də seçiminə hörmət etmək lazımdır. İslamda digər dinlərin nümayəndələri və onlar "kafir" adlandırıla bilər, amma bu demək deyil ki, onıar insan deyil. "Kafir"dirlər nədilər, əsas odur insandırlar.

Mənim ətrafımda çox da deyil, bir neçə ateist fikirli çox gözəl insanlar var. İnandırım sizi onlar klassik "mamed-musurman"lardan dəfələrlə elmli, qanacaqlı, əxlaqlı, vicdanlı adamlardır.

Hər kəsə tolerant olmaq gərəklidir. Hətta, sabah İslamı başqa bir alternativlə əvəz edəcək dostuna da. İnsan digər insanın seçiminə, fikrinə, düşüncəsinə hörmət etməlidir, məncə. Düzdür, Avropada və dünyanın bir çox yerlərində xristianlar müsəlmanlar qarşı irqçi hərəkətlər edirlər. Bunun cavabını yerindəcə vermək lazımdır, buna görə beynimizdə radikal düşüncələr yaranmamalıdır.

Sonda,

doğma azərbaycanlılarımıza gələk. Bu insan dəstəsi istənilən dini qəbul edib, istənilən vaxt ata bilər. Tarixə nəzər salsaq sözümün doğru olduğunu görəcəksən. Əgər tarixdən xəbərin yoxdursa, onda anqırma, ged kitab oxu. Mən bu kiçik ömrümdə çox eşidib, oxuyub, görmüşəm ki, müsəlman azərbaycanlı həm Quranı evində saxlayır, həm rüşvət alır, həm fahişə yanına gedir və digər oğraşlıqlarla məşğuldur, lakin dünyanın da olmasa da, öz əhatəsində ən əməli-saleh adamdı. Bitdi. Davamını oxu

başlıqsız

başlıqsız

July 04, 2012  

Bir neçə gündür bir dövlət idarəsinin təmirində işləyirəm.  İşsiz qalmaqdansa, bu da pis deyil. Həm də bu həyatımda ilk işim oldu.

Fəhlələrin hamısı - mən istisna - bölgələrdən gələnlərdir. Məndən də hansı bölgədən olduğumu soruşandan sonra növbəti sual burda kirəyə qalmaq bərdə olur. Mən də öz növbəmdə atamın həyat hekayəsini danışıram ki, nə vaxt gəlib paytaxta, öz evimizdə yaşayırıq.

Mən artıq bilirəm ki, halal zəhmətlə, vicdanla pul qazanmaq nəyə deyilir. Çox çətindir.

Halal zəhmətlə, vicdanla qazanılan qəpik-quruş hara, vicdansız olub dövlət büdcəsini sovurub, xalqdan rüşvət alınıb qazanılan pul hara.

Adam düşünür ki, o qədər əziyyət çək bütün günü, gündəliyə hesablanan pula bax. Bundansa vicdansız olub böyük pullar qazanmaq yaxşıdı. Onsuz da indi vicdandansa, intellekt moddadı.

Söz var e, birinə qırx dəfə desən ki, dəlisən, o özünü dəli hesab edəcək. Artıq bizim ölkədə vicdansız olmaq ayıb deyil. Hamı bilir ki, qarşısındakı elədi, özü də elədi, ona görə bu mövzunu açmır. Necə ki, təcavüz Cənubi Afrika, Pakistan, Şərqi Konqo kimi ölkələrdə adi hala çevrilib.

160 işarə yazmışam artıq, amma hələ də qərar verə bilmirəm ki, vicdanlı olub aza qane olmaq yaxşıdı, yoxsa vicdansızlıq edən məmur-milyonçu? Davamını oxu

Ahmet Hakan və mən

Ahmet Hakan və mən

June 24, 2012  

Bayaq Türkiyənin tanınmış jurnalisti, "Hürriyet" qəzetinin yazarı Ahmet Hakana bu tviti yazdım

@ahmethc Ahmet bey, 9980 adamı takip ediyorsunuz, beni de takipe alın follow etdiğiniz ilk azerbaycanlı olum :)

— Məcid Həsənli (@MajidHasanli) June 23, 2012

Və sonra tanınmış yazar məni follow etdi. 



Mən də öz təşəkkürümü bildirdim

@ahmethc teşekkür ederim ricamı ettiğiniz için :)

— Məcid Həsənli (@MajidHasanli) June 23, 2012

Davamını oxu

"1984":

"1984":

June 23, 2012   Kitablar,

• Gələcəyə, yaxud keçmişə - fikrin azad pərvaz etdiyi, insanların bir-birindən seçildiyi, tənha yaşamadığı, həqiqətənin həqiqət kimi dərk edildiyi, var olanların heçliyə çevrilmədiyi dövrə - Tənhalar, yalqızlar dövründən, Böyük Qardaş və ikifikirlilik epoxasından - salamlar!


• İndi, artıq ölü olduğunu biləndən sonra, bacardığı qədər çox yaşamağa çalışmalı idi.


• Keçmişə hökm edən gələcəyə də hökm edir. Bu günə hökm edən keçmişə də hökm edir.


• Bilə-bilə bilməmək, həqiqətə tam sahib olduğun halda, məharətlə uydurulmuş yalanlara rəvac vermək, biri digərini istisna edən iki fikrin tam zidd olduqlarını anladığın halda, onların ikisinə də tərəfdar çıxmaq, məntiqi məntiqlə öldürmək, əxlaqdan danışıb əxlaqı məhv etmək, demokratiyanın qeyri-mümkünlüyünə inanmaq və Partiyanın demokratiyanın keşiyində dayandığını söyləmək, unudulması zəruri sayılanı unutmaq, ehtiyac duyulanda isə onu yenidən yaddaşda canlandırmaq və təkrar yaddaşdan qoparıb atmaq, ən başlıcası isə eyni bir prosesi həmin prosesin özünə tətbiq etmək...


• Haradasa, naməlum məkanda bütün işlərə rəhbərlik edən beyin mərkəzi məxfi şəkildə fəaliyyət göstərirdi. Bu mərkəz keçmiş irsin hansı hissəsini məhv etməklə bağlı siyasi xətti hazırlayır, görülən işləri əlaqələndirirdi.


• İnanclı adam fikirlşmir. Onun fikirləşməyə, ümumiyyətlə, ehtiyacı yoxdur. İnanclı olmaq şüursuz olmaq deməkdir.


• Teleekrandan hələ də statistika nağılı eşidilirdi. Ötən illə müqayisədə ərzaq, paltar, mənzil, mebel, qazança, istilik, gəmi, helikopter, kitab, yeni doğulan körpələr - hjər şey artmışdı. Xəstəliklər, cinayətlər, ruhi pozuntular isə qat-qat azalmışdı. Dəqiqəbədəqiqə, ilbəil hər kəs və hər şey sürətlə, gurultu ilə inkişaf edirdi.


• "Əgər tək ümid varsa, o da prollara olan ümiddir". Bu fikirdən bərk yapışmaq lazımdır. Əlbəttə, onu sözlə ifadə edəndə güclü səslənir, ümid yeri saydığın adamlara yaxından baxanda isə belə fikrə düşməyin özü qəhrəmanlıq kimi görünür.


• Onlar kişiyi görən, böyüyün isə fərqinə vara bilməyən qarışqalara bənzəyirlər.

Davamını oxu

Azərbaycanlı olmaq

Azərbaycanlı olmaq

June 09, 2012  

[caption id="" align="aligncenter" width="486"] şəkli internetdən tapmışam[/caption]

[youtube http://www.youtube.com/watch?v=yUOshuCzmu4]musiqi sədaları altında oxuyun

Mən azərbaycanlıyam. Düzdü, bunda fəxr ediləsi nəsə olmasa da, şükür Allaha ki, Orta Asiyalı deyiləm.

Anladığım qədəri ilə bir orta statistik azərbaycanlı nə cür olur, hansı xüsusiyyətləri olur sadalayacağam. Getdik.

Azərbaycanlı olmaq:

• müxalifət olub müxalifəti söyməkdi;


• üzərində "russia" yazılan köynək geyinməkdi;


• "çornı jop" adı alıb, rus qadınlarıyla yatıb, rusları ***irəm deməkdi;


• siqaret sağlamlığa ziyandı deyib siqaret çəkməkdi;


• öz bacısına namus mücəssəməsi kimi baxıb, qonşunun bacısına bir *** tək baxmaqdı;


• iqtidarı bəyənməyib, prezidenti tərifləməkdi;


• qıza "səni alacam" deyib açmaq, sonra da "sən ***sən" deyib atmaqdı;


• lazım olanda kiməsə yaltaqlanmaq, lazım olmayanda salam verməməkdi;


• müharibə abu-havası duyan kimi, "Tüpürüm sizin Vətəninizə!!! Atam, anam Tərtərdə qalı..." yazmaqdı (yəqin özü Bakıda kirayə yaşayır);


• deputatlığa namizədlik verib, təbliğat-təşviqat dövründə M. Ə. Rəzulzadənin adını çəkməməkdi;

Nöqtə qoymuram, çünki bitməyib məncə. Hələ çox saymaq olar. Məndən bu qədər, siz davam edin. Buyurun :) Davamını oxu

Milli sol facebook-çular

Milli sol facebook-çular

May 29, 2012  

1918-ci ilin 28 Mayında Azərbaycanın şimalında Cümhuriyyət quruldu. M. Ə. Rəsulzadə və silahdaşlarının neçə illik zəhməti hesabına biz bunu bacardıq.

1920-ci ilin 28 Aprelində rusların Kommunist Partiyası Qızıl Ordularını Vətənimizə yeritdi və Azərbaycandakı əlaltılarının köməyilə hakimiyyəti ələ aldılar.

Və bu milli facebook solçularına gələk. Mən dünya sol nəzəriyyəsi haqda mübahisə etmək istəmirəm. Söhbət Azərbaycandan gedir. Demək bunlar hələ həmin müstəmləkə dövrünü tərifləyirlər.

Adam nə qədər qapazsevər olar ki, səni işğal edən, müstəmləkəyə çevirən bir şeyi yenidən istəyəsən. Adam söz tapmır. Bu qədər.

bu filmə (1986) baxmağı məsləhət görürəm. 

 
[youtube http://www.youtube.com/watch?v=rSk0zTJrzd8] Davamını oxu

#Eurovision və satılmayan biletlər

#Eurovision və satılmayan biletlər

May 19, 2012  

Sabah Eurovision mahnı yarışının açılışı olacaq. Ancaq hələ də bütün biletlər satılmayıb.

Dövlətimiz bu müsabiqənin keçirilməsi üçün rekord məbləğdə - deyilənlərə görə 1 milyard manata yaxın pul xərcləyib.  Hər şey öz qaydasındadı.

Bircə biletlər problem yaradır. Deməli, 26 Mayda olacaq müsabiqənin finalının biletləri tam satılıb. Lakin yarımfinalların biletlərindən satılmayanlar var.

Buna görə də biletləri məcburi satışa keçiblər. Xəbər saytlarında yazılanlara görə bələdiyyələrə, orta məktəblərə, universitetlərə müəyyən sayda biletlər verilib ki, mütləq alın bunu, dövlətimizin üzün ağ edin. Ayıbdı!

Mənim bu yazını yazmaqda məqsədim var.

Gəlin dövlətimizi üzüqara etməyək. Görün nə günə qalıblar ki, maaşlardan tutub bilet planın doldururlar.

Hərəmiz könüllü olaraq, ən azı bir bilet alaq. Nolar ki, nəyimizisə satıb 150 azn xeyriyyə məqsədilə verək getsin. Papağımızı qabağımıza qoyub yaxşı-yaxşı düşünək. Dövlət bizim üçün çox işlər görüb. Bu dəfə də biz dəstəyimizi əsirgəməyək. Davamını oxu

Danışan ət kuklalar

Danışan ət kuklalar

May 11, 2012  

Kukla çeşidləri çox olur. Çin malı var? Avropa istehsalı var. Məhşur markalar var, İran kuklaları var. Və nəhayət, bir də var milli – Azərbaycan istehsalı danışan ət kuklalar (bundan sonra DƏK). Bu qrup xanımları Seymur Baycanın CDİC-ləri (cəmiyyəti dəyişmək istəyən civilər) ilə səhv salmayın. CDİC-lər DƏK-ın dəyişib inkişaf edən formasıdı.

Demək, DƏK necə olur. Təsvir edək: “Papa”larının gül balaları olurlar, “papa”ları hiperqeyrətli olduqları üçün yubka geyinməzlər, əvəzinə dar sözünün r-ini uzun söyləyəcək ölçüdə şalvar geyərlər, oğlanlara nömrə verməzlər, “inbox”da yazarlar. Hələlik bu qədər bəsdi.

DƏK-ın öz beyni, öz sözü olmur. Danışan ət kukla qadın cinsinə mənsubdur, lakin insan deyil. Öz düşüncəsi, özünə məxsus fikri, şəxsi qərarı yoxdu. O yalnız idarə olunmağı sevir. Ailə həyatı qurmamış ata, qardaş, əmi oğlu, xala oğlu, bibi oğlu sözü ilə durub-oturur, sonra isə həyat yoldaşının. Onun özünə aid, təkcə, gözəl baxışları ola bilər. Onu da ki, Allah veribsə əgər. Bizim mentalitetimiz insanlarımızda elə düşüncə yaradıb ki, əgər qıza, qadına nəzarət olmasa, o mütləq əxlaqsız olacaq. Elə bil insan orqanizmindəki vərəm çöpü kimi. Hamıda var, lazımı anda baş qaldırır.

DƏK “bizdə də var” xatirinə ali məktəbin dəhlizlərində şəkillər çəkdirib, fotolardakı başlarını kəsib facebook-a yükləyə-yükləyə dörd ilini doldurub diplom alır. Nə var ki, “papa”sı hansısa məclisdə “mənim qızım diplomlu qızdı, “prosta” mən işdəməyə qoymuram” desin deyə.

DƏK dərs başlayandan, ta sonuna kimi evə getmir. Çünki, evdə elə saxlanılır ki, artıq onun üçün məktəb və ya ali məktəb “azadlıq adası”na çevrilir. DƏK özünü tanıyandan yalnız bir missiyası var - ərə getmək. Bu arzusuna daha asan, daha tez çatmaq istəyənlər bu yolda çox əzablar çəkir. Parklarda sinəsini qarakurtkalı qaqaşlara sipər edir, gecələr yorğanın altında ağlayır. Sonda, məqsədinə yetişir bi gün.

DƏK kitab oxumur. Hətta, kitabı lazımsız bir şey sayır. Çünki, kitab oxumaqdansa, pul qazanmaq qazanc gətirir onun fikrincə. Lakin, özünü intellectual göstərmək üçün səy göstərir.

DƏK seçkilərdə iştirak etmir, şəxsiyyət vəsiqəsini “papa”sı götürür, o da öz növbəsində ən layiqli namizədə səs verir. Deyilənlərə görə, bir millətin böyük olması üçün ən böyük vəzifə analarının üzərinə düşür. Övladlarının anası danışan ət kukla olan millətin böyük millət olma şansı var.

Sonda bu mahnını onlara həsr edirəm :)

[youtube http://www.youtube.com/watch?v=xN1J4x_UFXM] Davamını oxu

Milli "Əli və Nino"

Milli "Əli və Nino"

April 28, 2012  

Bu gün bir dostum dedi ki, "Əli və Nino"ya gedək, təzə kampaniya gedir, bəzi kitabların arasında əlfəcinlər var, əgər onları tapsan həmin kitabı pulsuz götürə bilərsən. Əlfəcin nədir bəs? Kitabın arasına, qaldığın səhifəni yadda saxlamaq üçün olan əşya.

Sevinə-sevinə getdik "Əli və Nino"lara baş çəkməyə. Ad-ad deməyim hansılara getdik, amma üç mağaza ziyarət elədik.

Birinciyə girdik. Hərə sevimli müəlliflərinin kitablarını axtarmağa başladı. Mən birini götürüb yoldaşıma (solçu zad deyilik:D) verdim, o da satıcı qıza dedi ki, biz hədiyyəni tapmışıq. Satıcı dedi ki, bu olmaz, qəhvəyi rəngdə olmalıdı.

Nəysə. Sonuncu ziyarətimizə gəldik, burada, sırtıqca soruşduq ki, o kitablar hansıdı? :) Satıcı cavab verdi ki, yalnız Milli Kitab Mükafatı seriyasının kitabları. Demək, ana dilimizdə ancaq MKM kitabları hədiyyəli ola bilər.

Öz-özümə düşündüm ki, bu nətər Milli Kitab Mükafatıdır ki, kitabları alınmır deyə satışı gedmir, ona görə də hədiyyə olunur. Özdə 1-ci MKM kitabları. Davamını oxu

Vətənpulverlər

Vətənpulverlər

April 18, 2012   Digər saytlarda, Köşələrim,

Məcid Həsənli

Guya vətənpərvərlik təbliğatı aparılır cəmiyyətdə. Mənə elə gəlir ki, bu kiməsə təsir etmir. Hər halda beyni olan gənc fikirləşə bilir ki, əsgərlik bütün yaşı çatan oğlanlar üçün nəzərdə tutulub. Bəs niyə məmur uşaqları gedmir? Axı onlar bütün günü televizora çıxıb vətəndən, vətənpərvərlikdən danışır. Deməli, sərvətləri yeməyə gələndə vətən yaxşı olur, əsgərliyə gedəndə pis.

Davamını oxu

Çərpələng uçuran

Çərpələng uçuran

April 14, 2012   Kitablar,

Bu əhvalat 2012-ci ilin əvvəlindəki qışında uzun-uzadı qarlı günlərindən birində baş vermişdi. Evdə çoxlu kitab olmasına baxmayaraq, elə bil oxumağa kitab seçə bilmirdim. Twitter-də yazdım ki, oxumağa kitab məsləhət görün. Follower-lərimdən biri mention etdi ki, “Çərpələng uçuran”ı oxu. Bir neçə gündən sonra Kitab Klubundan həmin kitabı aldım. “Çərpələng uçuran” Xalid Hüseyni.

Bu kitab həyatımda üç günə oxuyub bitirdiyim ilk kitab oldu. Bundan əvvəl oxuduqlarımı hər gün oxuyur, sonra qaldığım səhifəyə nişan qoyub növbəti gün oxuyurdum. Hətta, elə olurdu ki, bir gün heç oxumurdum. Beləcə, bir həftə çəkirdi. Amma “Çərpələng uçuran”ın Azərbaycan dilinə tərcüməsinin arxasında yazıldığı kimi “Hüseyni oxucunu səhifəni səhifə ardınca çevirməyə sövq etmək üçün necə yazmaq olduğunu nümayiş etdirir – sadə və gözəl” (The Philadelphia Inquirer). Deməli, bacarıram. Sadəcə, kitab oxucuda elə maraq yaratmalıdır ki, digər vacib olmayan məşğuliyyətlərdən əl çəkib özünü əsərdəki həyata verə biləsən.

Romanı orijinaldan yox, ana dilimizdə tərcüməsindən oxuduğum üçün burada tərcüməçiyə də - tanınmış jurnalist Xədicə İsmayıl - təşəkkür etmək lazımdır.

Virtual oldu deyə, Əfqanıstanda və ABŞ-da yaşamaq xoşuma gəldi. Bilmirəm, tərcüməçi yoxsa müəllifdi günahkar, Əmir Amerikada olanda kolleci bitirməyi qeyd edir, sonra növbəti il yenidən kollecin hazırlıq şöbəsinə daxil olub bitirir. Təkcə, buranı anlamadım. Bu boş şeydi, əsas odu ki, əsər ümumilikdə əladı. Hamıya haqqında danışdığım romanı oxumağı tövsiyyə edirəm.

Davamını oxu

Chrome istifadəçiləri üçün Timeline-dan çıxmaq

Chrome istifadəçiləri üçün Timeline-dan çıxmaq

April 08, 2012  

chrome.google.com/webstore/detail/dnedfaenfnkikficknkklbdedlecmpgc?utm_source=chrome-ntp-icon 

sadəcə, bu linkə daxil olun, açılan səhifədə proqramı "ustanovit" edin Davamını oxu

"20 Yanvar" xatirələri

"20 Yanvar" xatirələri

April 05, 2012  

Bu gün "20 Yanvar"a gedəsi oldum. Bir nəfərlə görüşməliydim, sağ olsun bir az gözlətdi məni :). Bu müddətdə bəzi müşahidələr apardım. Deməli, hər gün bu stansiyaya minlərlə insan gəlir. İşçilər, tələbələr və s. v. i. Özdə elə bil bura gələnlər spesifik adamlardı, hamıdan fərqlidirlər. Müxtəlif tip adamlar, qəribə, qorxulu baxışlar. Bir neçə gəncə fikir verdim, yekrəng geyinmişdilər. Başdan ayağa qırmızı, digəri yaşıl, başqa birisi qırmızı və yaşıl. Diqqətlə baxanda fikir verdim ki, burdakı həmvətənlərimi şəhərin başqa yerlərində də görürəm də, nə olsun, xüsusi nə var burda. Ancaq, bir şey var ki, şəhərin başqa sakinlərinə qatışanda gözə çarpmırlar, burda isə hamısı bir yerdədilər. Həm də hamısı bir yerə düşəndə dəhşət basabas düşür, imkan düşdükcə də biri o birin əlləyir.

Uşaqlıqda bu "20 Yanvar"ın keçidlərindəki ticarət mərkəzin çox gəzmişəm. Elə indi də arada nəsə alıram. O zamanlarıydı, günlərin bir günü dayım oğlu dedi ki, bayaq "20 Yanvar"da satıcılar qırırdı biri-birini. Səbəb də nə olsa yaxşıdı, keçiddən keçən bir qıza cavan satıcı sataşıbmış, yanındakı "polka"dakı satıcı da sataşılan qızın dayısıymış. Daha demə əvvəllər rahat-rahat söz atıblar, indi nətərsə qızla satıcılardan biri qohum çıxıbmış.

Belə. Danışsaq gic-gic xatirələr çoxdu. Gələcəkdə Bakıya aid nəsə veriliş filan hazırlansa, gərək "20 Yanvar"dan da danışıla. Məmnuniyyətlə özüm həmsöhbət olaram. Davamını oxu

Sıradan azərbaycanlı

Sıradan azərbaycanlı

April 02, 2012  

Biz azərbaycanlılar haqda çox yazmışıq. Elə hər gün hamı nəsə yazır. Hamı lağa qoyur, aşağılayır. Nəysə, bu başqa mövzudu. Mənim dediyim bizim xalqın necə də bekar olmasıdır.

İş-sənət səhərdən-axşamacan ancaq bir-birilərinə gic-gic zarafatlar eləmək, ana-bajı xırdalamaqdı. Kitab oxumaq filan demə bunlara "zapadlo"du.

Hardansa ağıllarına qəribə şey gəlib - "təkər". Biri-birinə salam verəndə, o biri "necəsən" deməsə, bu biri "təkərdi əəə bu" deyir. Hərə digərini təkərləşdirir.

Çox bəsit xalqıq. Bəlkə də sadəcə "qara camaat" bəsitdir. Getdikcə də daha çox tündləşib qaralır. Davamını oxu

Mən və mənimkimilər

Mən və mənimkimilər

March 16, 2012   Digər saytlarda, Köşələrim,

Məcid Həsənli

BİZ nə istəyirik:

Davamını oxu

Ancaq Azərbaycanda

Ancaq Azərbaycanda

March 04, 2012  

Yalnız Azərbaycanda belə şeylər olur. Facebook-da bir nəfər Quba hadisəsi barədə uzun bir status yazıb. Bu xanım özəl müəssisələrin birində İctimaiyyətlə Əlaqələr Şöbəsinin Müdiridir. Statusu olduğu kimi copy-paste edirəm:

 

HEC KES MENDEN QUBA HADISELERINE DESTEK VE YA MUNASIBET GOZLEMESIN!!!!!

1. Orda bas verenlerden etrafli melumatim yoxdur ki durub ne ise mulahize yurudum. BILMEDIYIM SEYDEN BOS BOS DANISMAQ MENE YARASMAZ.

2. Orda bas verenleri hormetle qarsilayiram ozleri bilerler MEN QUBADA YASAMIRAM KI QUBALILARIN YERINE QERAR VERIM VE YA DESTEK OLUM. Quba ile hec bir bagliligim yoxdur!

3. HEC KES MENE SEN JURNALISTSEN BUNU ISIQLANDIRMIRSAN TV ETRAFLI SEKILDE GOSTERMIR DEYIB SIKAYET ETMESIN MEN JURNALIST DEYILEM!!! Zehmet olmasa profilimin adina baxin ne yazilib? Nura BLOGER! Bloger nedir? - AZAD YAZICI! HEC BIR REDAKTORDAN VE YA QURUMDAN ASLILIGI OLMAYAN YAZAR! ISTEDIYIMI YAZA BILEREM AMMA QUBA HAQQINDA YAZMAQ ISTEMIREM - Onlardan yazmaq mene qalmayib!!!!!

4. DOGRU DEYENI 9 KUCEDEN QOVARLAR. Tanidigim 1i var butun gunu Qubadaki torpaqlarin satisi ile mesguldur. Ozu de dirnaqarasi qubalilardandir. Butun gunu quba torpaqlarini satir ozu de alanlarin hec biri qubali deyil. 3 ILDEN SONRA BELE GETSE QUBADA QUBALI HEC KIM QALMAYACAQ 70 FAIZINIZ QUBA TORPAQLARINI SATMISIZ QALAN 30 FAZIE DE HALAL OLSUN SABAH ONLAR NE EDECEK HEC O DA BILINMIR. Amma qubalilarin ozunu satmasi BAX BURDA UJE STOP!

5. HEC KES MENE QUBADA OLAN HADISELERE DESTEK VERMEK MEQSEDILE PROFILIMI ISTIFADE NEYISE PAYLASMAQ TEKLIF ETMESIN EZIZLERIM YADINIZDA SAXLAYIN 2 MEQABAYTLIQ VETENPERVERLIK OLMUR!!!!!!!MENI NE VAXTSA SIYASETDEN YAZAN GORMUSUZ? 1 DEFE ZARAFATCA 10 IL SONRA MILLET VEKILI OLACAGIMI YAZDIM DOSTLARIMIN EKSERIYYETI MENDEN OZUMU BU GUN MILLET VEKILI KIMI APARMAGIMI GOZLEYIR. Ezizlerim men sade Azerbaycan telebesiyem. eyni zamanda da Akademi Tehsil Merkezince Ictimaiyyetle elaqeler sobesinde calisiram SIYASETCI DEYILEM VE SIYASETE HEC BIR BAGLILIGIM YOXDUR HEC KES MENDEN SIYASI BAXIS GOZLEMESIN!!!!!

 

Davamını oxu

Qubalılar və Emin Milli

Qubalılar və Emin Milli

March 02, 2012  

Dünənki hadisələr hamı kimi məni də sevindirdi. Özüm də əslən Qubalıyam.

Bunu hərə bir cür adlandırdı, üsyan, etiraz, mitinq və sair, v. i. Axır ki, Azərbaycanda idarəçilikdən bezən əhali etiraza qalxdı, azad fikrin bildirdi. Çox gözəl. 

Amma maraqlısı odur ki, camaat etirazı səbəb nə rüşvətxorluq, nə yerlibazlıq, nə qanunsuzluqlar deyil, sadəcə, təhqirdir. 

Deməli, bu camaat işini rüşvətlə görməyə, həkimə gedəndə cibinə pul qoymağa, məktəbin vaxt keçirmək, hələ üstəgəl "8 Mart keçirmək" yeri olduğuna, dərsi repetitordan öyrənməyə öyrəşib, artıq qanlarına işləyib.

Və Emin Milli. Bu insanın kim olduğunu yazmağa ehtiyac yoxdur, məncə.

Emin Milli nə deyir? Nə demək istəyir? 

Emin Millinin çoxdan fikri var ki, sosial şəbəkələr vasitəsilə Azərbaycan insanını şəbəkələşdirsin, eyni fikirdə olanlarla ortaq iş görsün.

Hələlik Azərbaycanda bunu yalnız Qubalılar edə bildi. Hər şey YouTube-a qoyulan bir video ilə başladı və sonda icra başçısı "getdi". 

Emin Milli də Quba baharını görüb, həvəsə gəlib. Lakin, bir iş görməyən, bir işin qulpundan yapışa bilməyən bəzi adamlar durublar bu təşəbbüsü lağa qoymağa. A bala, bacarırsan elə, bacarmırsansa sadəcə sus.

Emin Millinin bu dəqiqə hər cür imkanı var ki, çoxlarının arzusunda olduğu ölkələrdə yaşasın. Ancaq o öz ölkəsini atmır, mübarizə aparmaq istəyir. Ağlı yoxdu da.

 

Davamını oxu

Konqolu azərbaycanlılar

Konqolu azərbaycanlılar

February 28, 2012  

Konqo Demokratik Respublikası - Facebook azərbaycanlılarının Azərbaycandan sonra xəyali olaraq yaşadığı ikinci dövlət.

Davamını oxu

İbrahim Tatlıses, Seymur Baycan və təsbehli gənc

İbrahim Tatlıses, Seymur Baycan və təsbehli gənc

February 25, 2012  

Bu gün Azad Gənclik Təşkilatının Kino Klubu layihəsi çərçivəsində İbrahim Tatlısesin baş rol oynadığı "Yalan" filminə baxdım. Filmi bizə - gənclərə Seymur Baycan təqdim etdi, hətta, şəxsən özü seçibmiş bu filmi. 

Filmə baxmamışdan əvvəl Seymur Baycan qısa fikirlərini dedi. Əsas sözlərini sona saxlamışdı. 

Mənim ən çox yadımda qalan nə film oldu, nə də İbrahim. Tamaşaçılar yerlərini tutmamış hərə o yan-bu yana gedirdi. Bir də gördüm ki, biri qapqara paltardadı. Dar şalvarlı oğlan. Başında aerodrom papaq. Əlində təsbeh. Qəşəng. 

İctimai sektorda heç təsbehli qaqaş görməmişdim. Deməli, insanın qaqaş, brat, Qırat, Koroğlu olması əsas deyil, əsas odur ki, ictimai fəallığın olsun. Aktivist olasan. 

Nəysə.

Film bitti, Seymur bəy niyə məhz bu filmi seçdiyini izah elədi. Tanınmış yazar dedi ki, İbrahim deyib gülərək keçməyin, bu bir bonal filmdir. Bunlara da baxmaq lazımdır arada. Bu film heç bir janrda deyil. Bütün nə istəsən içində var. Bu tip filmlər bizə hind filmlərindən sonra böyük zərbə vurdu, bayağılıq gətirdi.  Davamını oxu

Min doqquz yüz səksən dörd

Min doqquz yüz səksən dörd

February 05, 2012   Kitablar,

VII fəsil

Əgər tək ümid varsa (Uinston yenə yazırdı), o da prollara olan ümiddir.

Əgər nicat yolu varsa, onu yalnız prollardan  – dövlətin arxa qapısında küllənən, Okeaniya 

əhalisinin səksən beş faizini təşkil edən bu qara kütlədən gözləmək lazımdır. Yalnız onların içərisindən 

Partiyanı məhv etməyə qadir qüvvə yetişə bilər. Partiyanı daxildən devirmək qeyri-mümkündür.  

Partiyanın düşmənlərinin (həqiqətən də belələri varsa) nəinki  bir araya gəlmək, hətta bir-birilərini 

tanımaq imkanı yoxdur.  Hətta  əfsanəvi Qardaşlıq mövcuddursa (bu da istisna edilməməlidir!), onun 

üzvlərinin iki və ya üç adamdan artıq qruplar halında toplaşmaları mümkün deyil. Onların üsyanı  –

gözlərinin ifadəsi, səslərinin intonasiyasıdır. Ən yaxşı halda təsadüfi pıçıldanmış bir sözdür. Lakin 

prollar hansısa bir yolla öz güclərinə inansalar, daha gizli fəaliyyətə ehtiyac qalmayacaq. Bədəninin bir 

titrəyişi ilə bütün milçəkləri qovan at kimi onların da ayağa qalxıb silkələnmələri kifayətdir. Əgər 

prollar istəsələr, günü sabah Partiyanın daşını daş üstündə qoymazlar. Tez, ya gec bunu mütləq başa 

düçəcəklər. Amma... 

Uinston bir dəfə izdihamlı küçə ilə gedərkən yüzlərlə qadın səsinin bir-birinə qarışdığı 

qulaqbatırıcı qışqırıqlar eşitdiyini yadına saldı. Qışqırıq qarşı tərəfdəki döngədən gəlirdi. Ətrafa kilsə

zəngi kimi həyəcan yayan hündür və şiddətli “Oh-o-o-o-ohh”   fəryadında hiddət, ümidsizlik və

dəhşətli qəzəb birləşmişdi. Həmin an Uinston həyəcandan özünə yer tapmadı. “Başlandı!”  – deyə

fikirləşdi. Qiyam! Nəhayət, prollar ayağa qalxdılar! Uinston sürətli addımlarla özünü döngəyə çatdırdı. 

İki, bəlkə də, üç yüz qadın bazar meydanındakı balaca dükanlardan birinin qarşısına toplaşmışdılar. 

Sifətləri, batan gəminin sərnişinləri kimi yas və ələmlə dolu idi. Uinstonun gözləri  qarşısında 

ümidsizliyin birləşdirdiyi bu kütlə birdən-birə parçalanıb dəstələrə bölündü. Bazardakı kiçik 

dükanlardan hansındasa qalay qazançalar satılırdı. Miskin görkəmli,  əyri-üyrü, çürük tənəkə

parçaları.Amma adamlar  növbəyə dayanmışdılar. Çünki qab-qazan tapmaq həmişə müşkül məsələ

olmuşdu. Gözlənilmədən mal qurtardı. Hər tərəfdən sıxışdırılan, itələnən sonuncu xoşbəxt alıcılar 

qazançalarını sinələrinə sıxıb kütlənin arasından çıxmağa tələsirdilər. Bəxti gətirməyənlər isə dükanın 

ətrafına toplaşıb qışqıra-qışqıra dükançını malı tanışlıqla satmaqda, piştaxta altında gizlətməkdə ittiham 

edirdilər. Qəflətən dəhşətli çığırtı qopdu. Birinin saçı çiyinlərinə dağılmış iki şişman arvad eyni qazançanın qulplarından yapışıb hərəsi öz tərəfinə çəkirdi. Bir müddət  dartışandan sonra qulp saçı 

çiyninə dağılmış qadının  əlində qaldı. Uinston onlara nifrətlə baxırdı. Amma az öncə bir neçə yüz 

boğazdan gələn qışqırtılarda necə qorxuducu qüvvənin gizləndiyini də unutmurdu. Nədən onlar daha 

böyük istək naminə toplaşıb səslərini belə yüksəltməsinlər?  

Uinston fikirlərini kağıza köçürdü:

Onlar şüurlu olmayana qədər üsyan etməyəcəklər. Üsyan etməsələr isə    heç  vaxt  şüurlu 

olmayacaqlar

Corc Oruell. Seçilmiş əsərləri. Şərq-Qərb, Bakı, 2010 Davamını oxu

Bloqunuz üçün əhəmiyyət verməniz lazım olan 10 təməl qanun

Bloqunuz üçün əhəmiyyət verməniz lazım olan 10 təməl qanun

January 30, 2012  

 Bloq yazmaq mövzusunda məncə ilk ağılda tutulması lazım olan şey sabitlik. Nizamlı bir bloq yazarı vaxtkeçdikcə özünü və bloqunu inkişaf etdirəcək, inkişaf etdirmək məcburiyyətində hiss edəcək. Təbii ki, bəzi nöqtələrə diqqət yetirmək bloqlardan alınacaq səmərəni artıra bilər.

 

 Bunların bir qisimini  Dan Taylorun yazısında tapa bilərsiniz. Mən də bunları köçürüb üzərinə bir neçəəlavə edib, sizlərdən də məsləhət almaq istəyirəm.

 

1. Özünüzü izah edin: Dan Taylorun  ilk diqqət çəkdiyi detal kim olduğunuzu və nə iş etdiyinizi izah etməniz. Şəxsi bloq yazırsınızsa sosial şəbəkə profilləriniz bu işi görə bilər  amma qısaca özünüzü tanıtmanızda fayda var.

İş və ya şirkət bloqlarında isə bu şərh daha əhatəli, amma çox uzun olmamalı. Təşəbbüskarların “haqqımızda” səhifəsində özlərini tanıtması da diqqətə alınması lazım olan bir detal olmalı.

2. Abunəlik:Əgər bloqunuzun interfeysi kifayət qədər yaxşıdırsa bloqunuzun ən möhkəm oxucuları birbaşa gələn ziyarətçilər ola bilər. Ancaq yenə də RSS izləyicilərinizlə rəqabət apara bilməz. RSS abunəliyinin yanına e-poçt abunəliyini dəəlavə etmək lazım ancaq e-poçt üzərində məzmun oxuma nisbəti üçün zamin ola bilmərəm.  Bunun yerinə istifadəçilərinizi sosial şəbəkə hesablarınıza istiqamətləndirə bilərsiniz.

3. İctimai paylaşma: Günümüzün internet dünyasında istifadəçilər arası qarşılıqlı təsiri bloqunuzun xaricinə daşıyacaq sosial şəbəkələr var. Bunun ən güclü nümunəsi də Twitter. Sosial şəbəkələri bloqunuz üçün aktiv olaraq istifadə etməniz sizə gözləmədiyiniz şəkildə kömək edə bilər. Təbii sosial şəbəkələrdə gələn reaksiyalara da açıq olmanız lazımdır. Müxtəlif paylaşma variantları ilə istifadəçilərinizin işini asanlaşdırmağı da unutmayın.

4. Məşhur məzmunlar: Aktual bir bloqun məşhur məzmunlarının ən çox göz qarşısında olması da əhəmiyyətlidir. Ən çox şərh olunan yazıların da oxucuya ayrı bir sahədə təqdim edilməsi lazım olduğunu söyləyən Dan Taylor, yaxşı şərhçilərdən bloqunuza yazı yazmasını da istəyə biləcəyinizi deyir. (Bilməyənlər üçün Ərxan Ərdoğanın bu şəkildə Webrazzidə yazmağa başladığını xatırladım.)

 5. Arxiv: Avstriyalı yazarın diqqət çəkdiyi, mənim isə çox maraqlı tapmadığım amma olması lazım olduğuna inandığım nöqtə isə arxiv hissəsi. Taylor “Kateqoriya” əsaslı sıralama ilə oxucuların daha asan axtarış edə biləcəyini müdafiə edir və son olaraq bloqunuzun ödənişsiz olmasının lazım olduğuna diqqət çəkir. Bu nöqtədə“şəxsi bloq” yazanlarınən yaxşı yazılarını ayrı bir səhifədə göstərməsini və e-poçt abunələrinə xüsusi göndərəmlər etməsini təklif edə bilərəm.

6. Xüsusi məzmun: Bloqunuzun internet dəryasında qalıcı olmasını istəyirsinizsə xüsusi məzmuna əhəmiyyət verin. Kopiya məzmunlardan ibarət olan bloq və forumların daimi ziyarətçisi sıfıra yaxındır. Ümumi xəbəri açıqlasanız da öz sözlərinizi seçin. Sanaram bu detalı çox şərhə ehtiyac yoxdur, bilinən amma çox əhəmiyyət verilməyən bir həqiqətdən bəhs edirəm.

7. Reklamlar: Oxucularınız bloqunuzda olduğu müddətcə qonağınızdır və kimsə narahat edici bir mühitdə çox qalmaq istəməz. Əgər bloqunuzda reklam nəşr edirsinizsə olmadıq yerlərə reklam qoymayın. Bir xəttiniz olsun və bunu qoruyun. Dizaynınızı pozacaq təkliflərdən qaçının.

8. Qalıcılıq: Yazılarınızda bir xəbər axışı qədər ömrü olan yazılardan qaçınmağa çalışın. Odkimi parlayıb hər kəsin marağını çəkəcək yazılar yerinə, hədəfinə çatan və istifadəçiləri geri çevirəcək yazılar yazın.  

9. Sadə və qısa izahat: Yazılarınızı hər nə qədər anlayışı yüksək kəslər oxusa da beyni çox yormayan cümlələr qurmağa çalışın. Qısa cümlələr qurmaq mövzusunda özünüzü inkişaf etdirin və yazını gərək olmayan detallara girmədən tamamlayın. (Bu detalı xüsusilə özüm üçün əlavə etdim.)

10. Axtarış: İstifadəçilərinizin bloqunuzda axtarış etməsini asanlaşdırın. Əgər Techcrunch-ın yeni dizaynında axtarış etdinizsə nə demək istədiyimi daha rahat anlaya bilərsiniz. Əgər biri bloqunuzda bir şey axtarırsa, ona ən asan  yolu göstərin.

Bonus: Nəbzi tutun. Bu hələ standart əlavələrin cavab verə bilmədiyi bir vəziyyət olsa da, oxucularınızı anlıq və ya saatlıq məşhur məzmunlardan xəbərdar edə bilərsiniz. Bu oxucularınızın bloqunuza gəlməsi üçün bir səbəb təşkil edər, amma “şəxsi bloq” yazanların buna ehtiyac duyacaq qədər olmadığını da qəbul edirəm.

webrazzi.com

Türkiyə türkcəsindən uyğunlaşdırdı: Məcid Həsənli 

  Davamını oxu

Mən tolerantam

Mən tolerantam

January 23, 2012  

Bu günlərdə saytların birində mənasız yazı oxudum. Müəllif deyir ki, ruslara nifrət etdim. Açığı başlığı görəndə mənə elə gəldi ki, yazı 20 Yanvar qətliamında iştirak edən əsgərlərə "veteran" verilməsi haqqındadır.

Yazını oxuduqca gördüm ki, söhbət tamam ayrı mövzudadı. Rusların bizə və qafqazlılara davranışı haqqında. Belə çox gülməli.

Heç bu səbəbə görə görə də hər hansı millətə nifrət etmək olarmı? 

Ruslar sizə - bizə - neyləyib?

 

Cavab verə bilərsiniz ki, daha nə etməyiblərki...

* rus imperiyası 27 ilə Şimali Azərbaycanı tamamilə işğal edib, sonra 90 il öz hakimiyyəti altında saxlayıb

* Sovet rusları 71 il Azərbaycan Cümhuriyyətini öz hakimiyyətində saxladı

* yuxarıda deyilən zamanlarda ermənilərin əli ilə soyqırımlar törətdi

* Azərbaycan müstəqillik qazanandan sonra ermənilərin əli ilə Qarabağı nəzarətə aldı

 

Və bunları bilən AZƏRBAYCAN xalqının adekvat tədbirləri nə oldu bəs? XALQ.

* keçmiş SSRİ ölkələri arasında ən gec Azərbaycanda Rusiya telekanallarının yayımı dayandırıldı

*keçmiş SSRİ ölkələri arasında yalnız Azərbaycanda rus dilində təhsil ləğv edilmək əvəzinə, daha da çiçəkləndirildi, rus dili institutu universitetə çevrildi, Moskva Dövlər Universitetinin Bakıda filialı açıldı

*Rusiyadan hansısa müğənnə gələndə, camaat zalı doldurur

*Bakının mərkəzində işçiləri Azərbaycan dilini bilməyən iaşə xidməti göstərən obyektlər göz oxşuyur

*TV-lərdə xarici filmlər dövlət qadağa qoyanadək rusca göstərilirdi

Bu siyahını çox uzatmaq olar, əlbəttə. Bunlardan sonra niyə görə böyük rus millətinə nifrət etməliyik? Başqasında ayıb axtarmaqdansa, özümüzdə örtmək yaxşıdı. 

 

Davamını oxu