Blogger kimdir?

Blogger kimdir?

November 22, 2011  

Blogger kimdir?

Bü günlərdə elə öz-özümə düşünürdüm ki, Azərbaycanda bu qədər bloqçu - blogger peyda olub, görəsən bunları oxuyan olmasa da, heç olmasa elə belə klikləyən var?

Bir neçə gün əvvəl baş verən və bu günədək məni bezidərən bir hal olanacan, elə hey bu fikirlərdə qalmışdım.

Deməli, Etibar Salmanlı imzalı bir blogger var Odlar yurdunda :). Həyatda heç vaxt ünsiyyətdə olmamışam. Bir neçə dəfə məşhur "Şirzadın kafesi"ndə görmüşəm ancaq. Amma yazılarını, statuslarını, tvit-lərini (tweet) oxuyuram.

Günlərin bir günü Etibar bəy həm status açmaqdan, həm də tvitləməkdən bezir. Düşünür ki, bu zadları biri-birinə calaq etsin. Edir də. Sonra... Sonrası maraqlıdı. Bu hadisəyə aid post yazır.

Demək, Etibar Salmanlı məlum postu yazandan sonra, Twitter ilə Facebook-u birləşdirənlərin sayında artım oldu. Bir sözlə, həm "izlədiyim", həm də "dost olduğum" dostlarımın yazdığı cümlələr artıq beynimə işləyir :). Elə bil ki, dəlinin yadına daş salmaq məsəli kimi.

Sözümün canı başqadı e. Bu postdan sonra dəyişikliyin olması o deməkdir ki, oxunan bloggerlərdən birini tapdım məncə.

Mənim də postlarım bir gün belə təsirli olsun istərəm. İnşallah!

Davamını oxu

Beyin çönməsi

Beyin çönməsi

November 21, 2011  

Bizim həmvətənlərimizdə belə bir xəstəlik var: Beyin çönməsi. Bunun yəqin ki, latınca elmi adı da var. Bəlkə də yoxdu. Fikrimi onunla əsaslandıra bilərəm ki, bu xəstəlik yalnız azərbaycanlılarda var. Məncə. Hələ dünya miqyasında yayılmayıb deyə elmi adı yoxdu. Bəlkə də.

Demək məlum xəstəlik bizimkilərdə axmaq xasiyyət əmələ gətirib. Nəbadə kiminsə beyni çönə də. Ağzın qoyur Allah yoluna. Özün buraxır. Bir sözlə bu xəstəlik elə bir zaddır ki, insan özünə cavabdeh olmur.

Amma Allah həmişə olduğu kimi, bu dəfə də burada xalqımızın dadına çatır. Beyni çönən insan istənilən hərəkəti edə bilər. Həmin o anda. Ancaq, hə ancaq Allah o insanın ağlın tamam almır şükürlər olsun. Davamını oxu

Metroda bu gün

Metroda bu gün

November 15, 2011  

Həmişəki kimi bu gün də yorğun-arğın dərsdən çıxıb, metroya girdim. "28 May"dan "İnşaatçılar"a gəlirdim. Mən dərsdən çıxan vaxt həmişə insanlar metroda çox olur. Çoxluq da ki, maşallah! 

Deməli, gördüm basabasdı bir qatarı ötürdüm. İkinci də, dolu gəldi. Məcburi minməli oldum.

Özümü güclə atdım vaqona. Bu anda görürəm ki, bir orta yaşlı qadın da yanındakı qızla bərabər soxulur izdihamın içərisinə. Gördüm ki, yox e bizdə təkcə kişilər deyil, qadınlar da belədir. Yəni ki, belə də. Elə basabas varıydı ki, yıxılmamaqdan özümü  zorla saxlayırdım. Qapının ağzındakı sıxlıqda da milli geyimli - dar köynək, pencək, əvvəli qapqara, sonradan isə bir az bozaran ayaqqabılı oğlan yuxarıda dediyim orta yaşlı qadının yanındakı qıza dirənib :). Qaqaşı da qınamaq olmaz bir tərəfdən, amma belə də olmaz axı.

İstədim bunu twitter-də yazım, amma 140 işarədən çox oldu, facebook-a da yazmadım ki, uzun status olacaq, oxunmayacaq.

Davamını oxu

Şərqli qərbli

Şərqli qərbli

November 08, 2011   yazı,

Ölkəmizdə güclü ailə institutu olduğu hər kəsə bəllidir. Çox gözəl. Amma burada da boşluqlar və qəribəliklər var bir az.  

Ölkədə nikah məsələlərini Azərbaycan Respublikasının Ailə Məcəlləsi tənzim edir. Məcəllədə nikah yaşı kişilər ucun 18, qadınlar üçün 17 yaş müəyyən olunub. Üzrlü səbəblər olduqda, nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər. Bu o deməkdir ki, bizim ölkədə 16-17 yaşlıların ailə qurmaq hüququnu qanun tanıyır. Deməli, qanunla hər şey qaydasındadı həmişəki kimi. 

İndi məsələyə mentalitet, adət-ənənə, dədə-baba qaydaları gözüylə baxaq. Deməli, qızlar evlənənə qədər bakirə qalmalıdır, oğlanlar özü bilər. Hansısa qız evlənənə qədər cinsi-əlaqədə olsa, əxlaqsızdı. Hansısa oğlan isə bomba oğlandı.

Tibbi cəhətən də insanlar öz istəklərini təmin etməlidir. Həkimlər deyir.

Bunlar aydındı.

Mətbuatda, televiziyada gec evlənmək təbliğ olunur, hələ qanunu da dəyişmək təklif olunur ki, yaş həddi qaldırılsın. Avropadakı kimi. Amma Avropada mentalitet yoxdu axı. Orada bakirə olmaq filan şərt qoyulmur axı məncə. Əgər Avropalı olmaq istəyirsinizsə, tam Avropalı olun. Yoxsa ki, gec evlən, özü də əxlaqlı qal. (?)

Nəticə

Düşünmək olar ki, adi azərbaycanlı bu qədər haqq-hesabdan baş çıxara bilməz. 

Bəzi bölgələr TV-də danışanları saymayıb 16 yaşa çatmamış evlənirlər yenə də.

Davamını oxu

Ötən günlər

Ötən günlər

November 06, 2011  

hasanli.blog.com - mənim 2-ci bloqum. Bədbəxt, spamlandı işləmədi. onun üstündə bütün blog sistemlərində "hasanli" axtara-axtara Tumblr-ı filan aşaraq Posterous-da qaldım. Bayaq gördüm ki, daha spam yoxdu. Artıq gecdir:).

Buna oxşar hadisə həyatda da başıma gəlib. Onda da belə eləmişdim.

Davamını oxu