Twitter Azərbaycan: inkişafa doğru addımlar

Twitter Azərbaycan: inkişafa doğru addımlar

March 21, 2016   sosial media, yazı,

şəkil: telegraph.co.uk

Oxumadan əvvəl bu mahnını play edin:

Azərbaycanda Tvitter (Twitter) istifadəçilərinin dəqiq sayı haqda məlumatım yoxdur. Ya da ki, belə bir məlumat olsaydı, bilərdim. Ancaq fakt budur ki, bütün günü Avropanı söyən (bir və bir neçə nəfər tərəfindən idarə olunan) hesablarla birlikdə gündəlik aktiv istifadəçi sayı 100-ü keçmir.

Hələlik əlimizdə olan rəqəm Azərbaycan Tvitter istifadəçilərini bir araya toplayan aztwi.com saytının yazdığıdır. Deyilənə görə, sayt HajizadeGroup şirkətinin media layihələrindən biridir. 

Şirkətin saytında "Media layihələrimiz" bölümündə belə yazılıb: "2013 — cü ilin may ayında «İnternet resurslarımızın genişləndirilməsi strateqiyası» çərçivəsində Twitter-in Azərbaycan seqmentində monitorinq aparan, reytinqi və qaynar mövzuları təyin edən www.aztwi.com saytı şirkətimizin tərkibinə qatıldı."

Maraqlısı budur ki, aztwi.com saytında "Twitter-in Azərbaycan seqmentində" olan istifadəçi sayı "CƏMİ: 6337" göstərilsə də, @aztwi hesabını 129,117 hesab izləyir (follower). Belə çıxır ki, ya hesab, ya da sayt AzTv kimidir.

Hələ mən bəzi azərbaycanlı tanınmışların izləyicilərini demirəm. Çünki, deməyə heç bir faktım yoxdur. Baxırsan izləyici sayına, 10 mindən çox, həm də azərbaycanlı adı ilə açılan hesablar. Ancaq fake (saxta). Deməli, kimsə fake hesab satışı ilə məşğuldur.

Bir çox azərbaycanlı Tvitterdə hesab açır, sonra bir daha bu mikro bloq xidmətindən istifadə etmir. Ona görə ki, ona maraqsız görünür. Orta statistik azərbaycanlı düşünüb yazmaq əvəzinə instagram-da şəkil paylaşmağı daha üstün tutur. Hər halda, xalq olaraq, yazıb-oxumaq vərdişimiz olsaydı, ölkədə kitab oxuma səviyyəsi bu qədər aşağı olmazdı.

Davamını oxu

Şükür edib yaşamaq

Şükür edib yaşamaq

January 29, 2016   yazı,

şəkil: uludagsozluk.com

Biri cinayət törətir. 3 il 6 ay həbs cəzası alır, 3 aydan sonra azadlığa buraxılır. 

Belə ölkədə yaşadığımız hər bir gün üçün şükür etməliyik.

Bir də var haqsızlığa qarşı mübarizə aparan insanlar.

Bir də onlara gülən, heç vaxt haqsızlığın onlara zərər yetirməyəcəyini ümid  edərək yaşayanlar.

Bu ikincilər elə bilirlər hər şey belə davam edəcək, onlara kimsə toxunmayacaq. Kimsə toxunmasa da, haqsızlıq özü şəxsən bu adamları vuracaq. 

Buna çoxlu misal çəkmək olar. Haqsızlığın aparıcı qüvvəsi olan o qədər insan gördük ki. Həmin adamlar ki, elə bu haqsızlıqdakı qanunsuzluğun qurbanı oldu.

Bu adamlar mübarizə aparanlara gülür, rişxənd edir. Ta ki, bir gün özləri ədalətsizliyə məruz qalanadək.

Bunlara bir sözüm var ki, əgər əlindən bir iş gəlmirsə, onda dilini qoy ağzına sakit dayan.

Bu tip adamlar əsasən o kəslərdir ki, işlətdikləri fəhlənin pulunu kəsib özlərinə xərcləyirlər. Qanunsuzluqdan istifadə edib haqsızlıq edirlər. Əsasən də, pis çıxmasın, Allah adamı olurlar. Vicdanın nə olduğunu bilməzlər. 

Burada ola bilər ki, yenə o "müəllim"lərdən kimsə oxuyub deyər ki, ə ged işinlə məşğul ol. Ay "müəllim, öz bloqumdu - xarabamdı, yazmışam. Mənim media orqanım yoxdu, olan-olmaz bir bloqum var, sözümü daxili senzuramdan keçirib bura yaza bilərəm hər halda. Burda yazıb like yığıb ona-buna saydırmıram. 

Fikirlərim dağınıqdırsa, üzrlü sayın. Mənim redaktorum yoxdur.  Davamını oxu

"Bank Respublika" həqiqətən bağlanır?

"Bank Respublika" həqiqətən bağlanır?

January 08, 2016   yazı,

şəkil: fins.az

"Bank Respublika" bağlanır. Bu gün bu başlıqla xəbər gördüm. Açdım xəbəri, gördüm ki, yazılıb bankın hansısa rayondakı filialı bağlanacaq. Başlığı görüb qorxdum ki, deyəsən həqiqətən bağlanıb.

Çünki mən də "Bank Respublika" müştərisiyəm. Bir neçə gün əvvəl "Milli Ön" və "E-manat" vasitəsilə hesabıma pul əlavə etmək istədim alınmadı. Əvvəlcə elə bildim aparat xarabdı, ona görə ətrafdakı bütün obyektləri gəzdim. Hər gün təkrar elədim. Hətta, yanvarın 5-i gözlədim ki, rəsmi iş günü düzələr bəlkə. Ancaq düzələn bir şey olmadı.

Sonrakı bir neçə günü də bankla əlaqə saxlamağa cəhd etdim. Rəsmi saytdan götürdüyüm nömrələrə zəng edirəm, çağırışıma heç kim cavab vermir. Saytda mənimlə əlaqə yarat qutusuna yazdım, oradan da bir səs çıxmadı. Bunlarla məşğulkən Facebook səhifələrinin divarına da yazdım ki, telefonu götürün.

Nəticə belədi ki, bu bank həqiqətən bağlanmasa da, bağlanmaq üzrədir, deyəsən. Ya da müştəri zad saya salan yoxdur.

Məcid Həsənli Davamını oxu

#Baku, #Azerbaijan

#Baku, #Azerbaijan

November 01, 2015   yazı,

şəkil: teknovi.com

"Domain" sözünün Azərbaycan dilində tərcüməsi yoxdu, məncə. Ona görə domen deyirik biz də.

Bu postu yazmaqda məqsədim başqadı, mövzu dil deyil.

Sözü uzatmadan keçim məsələyə: 

Əlimdə olan, lakin hal-hazırda onlarla heç bir iş görə bilməyəcəyim domenləri satmaq istəyirəm. Nəinki, onlarla bir iş görməyə pul yoxdu, hətta, ümumiyyətlə, pulum yoxdu. 

Mənə də əsas təhsilim üçün pul lazımdı, yoxsa belə yavaş-yavaş yaşayırıq. Əlbəttə, burda xeyriyyə aksiyası keçirmirəm, domeni alacaq adam da, ondan yararlanmaq məqsədi güdməlidi. Onun üçün fərqi yoxdu, mən bu gözəlləri niyə satıram.

Haqqında danışdığım domenlər:

Davamını oxu

Sosial mediada ölçülər

Sosial mediada ölçülər

October 15, 2015   sosial media, yazı,

Sosial media artıq elə bir hala gəlib ki, dünya sakinlərinin bəlkə də hamısı bundan istifadə edir. 

Heç olmasa, hər adamın facebook hesabı olmamış olmaz. 

Smartfon istifadəçilərində əlavə olaraq, Instagram da var. 

Bəs sizdə olub ki, facebook və ya twitter hesabınızda örtük (cover) şəklinizi elə seçmək istəmisiniz ki, el dili ilə desək tam üstünə otursun?

Facebook örtük şəklinin ölçüsü nə qədərdir?

Twitter profil, örtük şəklinin ölçüsü nə qədərdir?

Mən də dünən bir şəkli dediyim qaydada twitter hesabımda örtük şəkli etmək istədim, lakin ölçüləri bilmirdim deyə alınmırdı. Sonra internetdə bir az axtarış apardım və özümə lazım olan məlumatı tapdım. Tapdıqlarım içində bu gözəl infoqrafikanı isə, sizinlə paylaşmaq qərarına gəldim.

Davamını oxu