Yol

Yol

October 24, 2016   yazı,

Quba

Həyatda hər insanın bir yolu olur. Bir yol dediyim həmişə eyni cığırla gedmir. Keçmişdə kommunist, sonra cəbhəçi, sonda yapçı olanlar da çoxdur.

Necə ki, bəzi gənclər necə dəyişib inkişaf ediblər. Keçmişə küçə avarası olan sonradan kitab oxuyub normal gəncə çevrilib. Ya da qatı dindar ateist olub. İnsan bir qəlibdə qalsa, çürüyər. Daim dəyişib inkişaf edir. Bu yəqin ki, belə də olmalıdı.

Ancaq məndə fərqlidi. Məktəbdə oxuyanda "tərbiyəsiz uşaqlar" adlandırılan dəstəyə qoşulmadım. 

Hərçənd ki, hamıyla normal, yaxşı münasibətim varıydı. Amma onlara qoşulmadımsa gərək ali məktəbə girəndə prezident təqaüdçüsü olardım. Lakin heç bir zad olmadım. Yuxarı siniflərdə artıq mən özümü qəlibə salınmış hiss elirdim. "Bu ağıllı uşaqdı", "Heç kimə qoşulan deyil." Çox müəllim dəsr soruşmamış babat qiymətlər yazırdılar. Nəticədə, ortabab balla istəmədiyim yerə girdim. Ona görə də, ali təhsil də ala bilmədim. Diplom aldım, o ayrı məsələ.

Universitetdə olanda, 2011-ci ilin əvvəli idi, Azad Gənclik Təşkilatı hələ yaranmamışdı, amma Seymur Baycanın mühazirəsini təşkil etmişdi. Qrup yoldaşıma dedim, birlikdə getdik. Orada təşkilatın yaradıcılarını tanıdım. Sonra facebook-da baxdım, maraqlandım. Gənclər təşkilatına qoşuldum. Zamanla güclü fəaliyyət göstəkməkdən mən orta xəttlə gedirdim. Nə gedmirdim, nə də tam aktiv iş görə bilmirdim. Adicə partilərə gedmirdim ki, Vüsal Məmmədovun saytında şəklimi paylaşarlar ki, bu gənclər əxlaqsız işlərlə məşğuldur. Ailədə də sıxırdılar dolayı sözlərlə, özüm də qorxurdum ki, onsuz da yaxşı oxumuram, universitet qovar. 2013-cü ildə də əsgər gedəcəkdim deyə tamam aralandım hər şeydən.

Sıxıla-sıxıla gəlib bu günlərə çıxdım. Deyəsən, yenə sıxıntıdayam. Özümü sıxıram, qıraqdan sıxılıram. Tam sözümü, nə etmək istədiyimi ifadə edə bilmirəm. Hər zamanın da öz səbəbləri olur.

Davamını oxu

Pulsuz Green Card-a qoşulma

Pulsuz Green Card-a qoşulma

October 14, 2016   yazı,

Pulsuz Green Card-a qoşulma

GREEN CARD NƏDİR?

Amerika Birləşmiş Ştatları Qaçqın Bürosu, ölkənin əhali sayındakı mədəniyyət müxtəlifliyini artırmaq məqsədilə hər il dünyanın bir çox fərqli ölkəsindən qaçqın vətəndaş qəbul edir. Amerikada mühacir kimi yaşamağın yollarından biri də, Amerika Birləşmiş Ştatlarının 1990-ci ildən bəri rəsmi olaraq qüvvəyə qoyduğu Green Card çəkilişinə (Diversity Visa Program) iştirak etməkdir. Aparılan bu çəkilişlə hər il təxminən 55.000 xarici ölkə vətəndaşı Green Card sahibi olur.

Çəkilişi qazanan şəxslər ABŞ-da daimi yaşama və işləmə icazə, digər adı Yaşıl Kart (Green Card [qrin kard]) əldə etmiş olur. Yaşıl Kartın udulması halında öz vətəndaşlığına davam edərkən, Amerikan vətəndaşlarının istifadə etdiyi bir çox hüquqdan da istifadə etmək hüququnuz olur. Green Card aldıqdan 5 il sonra diləyən Yaşıl Kart sahibi, Amerika vətəndaşlığına müraciət edə və tam vətəndaşlıq ala bilər.

Bu yazıda sizə Green Card üçün necə pulsuz qeydiyyatdan keçməyi izah edəcəyəm. Şəkilləri izləyib özünüz heç bi rödəniş etmədən Yaşıl Karta qoşula bilərsiniz. 

Başlayaq:

Əvvəlcə bu linkə daxil olun: https://www.dvlottery.state.gov/

Sonra da şəkillərdə kimi davam edin:

Əgər haradasa yanlışım varsa, düzəltə bilərəm.

Hər kəsə uğurlar!

Əgər əlavə məlumat lazım olsa, şərh yazın və ya mənimlə əlaqə saxlayın.

Yazını sosial şəbəkələrdə paylaşaraq, başqa insanları da maarifləndirə bilərsiniz.

Məcid Həsənli

Davamını oxu

24-cü il

24-cü il

July 28, 2016   yazı,

Bəlkə də bunu gələn il yazmalıydım, bir il tələsdim.

Gəlib 24 yaşa çatdım.

Bu qədər zamanın çoxunu, özümü dərk edən vaxtdan bağçada, 11 illik məktəb həyatı, 4 illik lazımsız universitet, mənim daha 1 il vaxt itirməyimə səbəb olan həbi xidmətdə keçirtdim.

İndiyədək həmişə başlıca olaraq hər addımda ailəmi düşünmüşəm. Yəni, atdığım addım ailəmin xoşuna gəlməlidi, bəyənməlidi. Lakin başqalarına zərər verməmək şərti ilə.

***

Ailəmin mənə verdiyi tərbiyə isə, ayrı söhbətin mövzusudur. Qısaca, onu deyə bilərəm ki, həyatım boyu buna görə ancaq çətinlik yaşamışam. Yalan danışma, düzgün ol, pislik etmə və sair və ilaxır. Mənə çoxlu yalanlar danışıldı, pisliklər edildi, aldatıldım və buna bənzər şeylər. Əgər mən əclaf olsaydım, özüm hamıya qarşı bu əməlləri törətərdim və mənə qarşı belə edənlərin də hərəkətlərini əvvəlcədən hiss edə bilərdim. Məsəl var axı, hamı hamını özü kimi bilir. Mən də özüm kimi bildikcə, kiçik və ya orta, daha böyük zərbələr aldıqca əslində həyatın başqa cür olduğunu dərk etməyə başladım. Məncə, hələ də öyrənirəm. Kamilliyə yetişməmişəm hələ.

***

Bu 24 ildə ən çox heyfsləndiyim illəri 4+1 kimi xatırlayıram. Ali məktəb və hərbi xidmət. 4 il boş-boş universitetə görə vaxrım itdi. Sonradan anladım ki, təhsil almaq istəyən, bizim ölkədə ali məltəbə daxil olmasın gərək. Məqsədi diplom almaq olarlar üçün isə, hər şey əladır. Bizim təhsilimiz diplom verir, ali təhsil vermir. Gərək özün özünü yetişdirəsən. Əlbəttə, bu 4 ildə elm istisna olmaqla, başqa şeylər, zadlar öyrəndim. O baxımdan xeyri oldu, danmıram. Ancaq təhsil almaq barəsində bunu demək çətindir. ...Və qırmızı kitabçadan başqa heç bir xeyri dəyməyən hərbi xidmət. Guya onunla işə girmək rahatdı. Normal işlərə gormək üçün gərək 15-20 min pulun olsun, ilk əvvəl. O qırmızı kitabçanı sonra soruşurlar. Bundan əlavə, ölkəmizdə onlarla, yüzlərlə hərbi xidmət keçməyən, ancaq hamıya nümunə göstərilən şəxslər var. 1 ildə həyatın müxtəlif sifətlərinə agah oldum. Zabit, gizir, MAXE, əsgər... Hamısı azərbaycanlılar olub deyə, bütünlüklə bu zümrələrdən birini xüsusi vurğulamaq olmaz ki, bu dəstəyə aid adamlar yaxşı adamlar idi. Meşə çaqqalsız olmaz, bizim cəmiyyət də oğraşsız.

***

Ali məktəbdə oxuyanda ədəbiyyata gəlməyə addım atdım. Qapını açdım, girdim içəri, gördüm hamı yazır, oxucuları da şamla axtarırlar. Ona görə də, qapının tutacağını buraxmamış geriyə döndüm. Amma, əgər ürəyində yazmaq cərəyanı varsa, elektrik bir gün yenə özünü göstərəcək.

Ardı olacaq...

Məcid Həsənli

Davamını oxu

#Bakcell müştərilərin pulunu hara sovurur?

#Bakcell müştərilərin pulunu hara sovurur?

May 22, 2016   yazı,

Bu günlərdə 6 ildir istifadə etdiyim "cin" nömrəmi telefondan çıxarıb qoydum bir qırağa.

Niyə? Çünki artıq neçənci dəfə idi ki, balansa yüklədiyim pul öz-özünə ya göyə sovrulurdu, ya da buxarlanır və ya qeybə çəkilirdi. Ancaq inanmıram nə vaxtsa, geri gələcək. 

Sosial şəbəkələrdə "Bakcell"dən çox adamın şikayətlərini oxuyurdum, öz başıma gəlməyənədək məsələnin mahiyyətini hiss etmirdim.

Deməli, nömrəm 1 saatı 7 qəpik olan tarifdədir. Sonuncu dəfə 2 manat pul yüklədim və ən sonuncu dəfə zəng etmək istəyəndə bildim ki, balansım boşdur. 

Yığdığım nömrələrə baxıram, pul yükləyən vaxtdan cəmi 8 dəfə zəng etmişəm. Bu da 8x7=56 qəpik edir (0.56 AzN). 

Ancaq 200 qəpik və ya 2 manat balansım hara gedib, bu sirr olaraq qalır. 

Ümid edirəm, şirkət belə mənfi halların qarşısını alıb müştərilərini məmnun edər ki, daha çox abunəçi itirməsin. 

Məcid Həsənli

Davamını oxu

Twitter Azərbaycan: inkişafa doğru addımlar

Twitter Azərbaycan: inkişafa doğru addımlar

March 21, 2016   sosial media, yazı,

şəkil: telegraph.co.uk

Oxumadan əvvəl bu mahnını play edin:

Azərbaycanda Tvitter (Twitter) istifadəçilərinin dəqiq sayı haqda məlumatım yoxdur. Ya da ki, belə bir məlumat olsaydı, bilərdim. Ancaq fakt budur ki, bütün günü Avropanı söyən (bir və bir neçə nəfər tərəfindən idarə olunan) hesablarla birlikdə gündəlik aktiv istifadəçi sayı 100-ü keçmir.

Hələlik əlimizdə olan rəqəm Azərbaycan Tvitter istifadəçilərini bir araya toplayan aztwi.com saytının yazdığıdır. Deyilənə görə, sayt HajizadeGroup şirkətinin media layihələrindən biridir. 

Şirkətin saytında "Media layihələrimiz" bölümündə belə yazılıb: "2013 — cü ilin may ayında «İnternet resurslarımızın genişləndirilməsi strateqiyası» çərçivəsində Twitter-in Azərbaycan seqmentində monitorinq aparan, reytinqi və qaynar mövzuları təyin edən www.aztwi.com saytı şirkətimizin tərkibinə qatıldı."

Maraqlısı budur ki, aztwi.com saytında "Twitter-in Azərbaycan seqmentində" olan istifadəçi sayı "CƏMİ: 6337" göstərilsə də, @aztwi hesabını 129,117 hesab izləyir (follower). Belə çıxır ki, ya hesab, ya da sayt AzTv kimidir.

Hələ mən bəzi azərbaycanlı tanınmışların izləyicilərini demirəm. Çünki, deməyə heç bir faktım yoxdur. Baxırsan izləyici sayına, 10 mindən çox, həm də azərbaycanlı adı ilə açılan hesablar. Ancaq fake (saxta). Deməli, kimsə fake hesab satışı ilə məşğuldur.

Bir çox azərbaycanlı Tvitterdə hesab açır, sonra bir daha bu mikro bloq xidmətindən istifadə etmir. Ona görə ki, ona maraqsız görünür. Orta statistik azərbaycanlı düşünüb yazmaq əvəzinə instagram-da şəkil paylaşmağı daha üstün tutur. Hər halda, xalq olaraq, yazıb-oxumaq vərdişimiz olsaydı, ölkədə kitab oxuma səviyyəsi bu qədər aşağı olmazdı.

Davamını oxu