Məcid Həsənli
⬇️

30/08/2015

"Kaymu"nun azərbaycansayağı "satışı"

August 30, 2015  
Azərbaycanlılarla alış-veriş etmək həmişə təhlükəli olub. Dədə-babadan eşitmişik ki, bazarda tərəzilərin çoxu səhv çəkir, yanacaqdoldurma məntəqələrinin bəziləri benzinə başqa mayelər qatır və sair və ilaxır.

Kaymu.az internet mağazasının facebook reklamlarından tanımışam. Tez-tez gözümüzə girən reklamlarda ucuz mallar təklif olunur, adamda maraq oyadırdılar.

Mən də, günlərin bir günü bu reklamlardan birinə vurdum və iki köynəyi bir yerdə endirimli qiymətlə aldım.

Qəribəliklər də, bundan sonra başlandı. Sifarişim 10 günə yaxın müddətdə çatdırıldı. Ancaq köynəklər sifariş etidiym ölçüdə deyildi. Buna görə də, saytın sağ aşağı küncündəki əlaqə qutusuna və satıcıya məktub qutusuna şikayətimi yazdım ki, bəs, sifariş etdiyim mal düzgün gəlməyib, ölçü yanlışdır.


Mən hələ cavab gözləməyimdə olum, Kaymu da e-poçtuma dalbadal məktublar göndərir ki, sən də satıcı ol, sat, qazan, filan, peşməkan. Beləliklə, satıcı olmağa müraciət etdim, bir ikinci əl kitabı satış üçün təklif etdim. Kitabım əvvəlcə qəbul olundu, sonra imtina edildi. Nəysə, məsələ bu deyil.
 Davamını oxu

18/08/2015

Dəyərli "xəzinə"mə illik baxış

August 18, 2015  
Hər il yayda bütün "sandığ"ımı həyətə boşaltıb günəşləndirirəm. Bu yay da bir az geciksə də, yenə "xəzinə"mi gün üzünə çıxardım. Köhnə qəzetlər, jurnallar, açıqçalar, bloknotlar, kitablar.

Hər dəfə bu şeyləri eşələyəndə nəyisə yeni kəşf edirəm, sanki, ilk dəfə görürəm. Bəzən də, tapdığım qəzeti, jurnalı lazım olan vaxt tapa bilməməyimə təəssüfləndim. 

"Alma" qəzetinin 28 dekabr 2008-ci il sayı arxivim içində ən maraqlı tapıntım oldu. Günel Mövludun, Turxan Qarışqanın və indi itib-batan o vaxtın oxunaqlı müəlliflərinin köşələrinı bir də oxudum.

 Deməli, qəzet kolleksiyam 1999-cu ildən başlayır. Onda 7 yaşım var idi. Saxladığım sonuncu qəzetlər 2009-cu ilə aiddir. Ondan sorakilər ancaq futbol çempionatlarına aid xüsusi buraxılışlardır.

 Qəzetlərimdən "Şəkər villası", "Tumurcuq" ən köhnələridir. Həmin arada çıxan "Futbol+", "Çempion" qəzetlərini də, saxlamışam. Saxlamışam deyəndə ki, əlbəttə bütün nömrələr deyil. Ancaq hər qəzetdən müəyyən sayda qalıb indiyədək. Çünki, bundan öncəki illərdə hər dəfə bir qəzet, jurnal və ya başqa bir əşya gözümə çox köhnəlmiş görünüb atmışam. 

 Jurnallardan söz açım. Bunların içində ilk nömrəsi ilə səs-küy yaradan "Hesabat", "İstiot" və həmin vaxtlarda çıxan başqa jurnallar var. Hətta, Aztv-nin çap etdiyi jurnalın ilk nömrəsi də var. Türkcə jurnalları da unutmamaq lazımdı. Həmin jurnallara - dərgilərə görə dostum Abdurrahmana minnətdaram. Çünki, o hədiyyə edib hamısını. Müxtəlif illərdə nəşr edilmiş tarix mövzusunda dərgilərdi. 

Açıqçaları da, çox saxlamaq fikrim yoxdu. Dəyərli dostlara yazıb verəcəm imkan düşdükcə.

Qabağıma çıxdıqca, bəzi şeyləri telefonla çəkdim, çəkdiklərimə də izah vermişəm hər şəkildə. Ancaq hər şeyi də çəkməyə səbrim çatmazdı onsuz da. Çünki, elə bu postu hazırlamaq iki günə başa gəldi. 
 Davamını oxu

12/07/2015

Bir cavanın dəftəri

July 12, 2015  
Məcid Həsənli yazır:
Uşaq vaxtı çox dərin arzularım var idi. Bütöv Azərbaycan quracaqdım. Həmişə belə arzular edib, sonda öz-özümə “İnşallah!” deyərdim. Hətta, məktəbdə oxuyanda qızların xatirə dəftərində ən böyük arzum kimi “İran şahı olmaq” yazardım. İran deyəndə ki, Şah İsmayılın tutduğu əraziləri nəzərdə tuturdum. Öz xəyalımda mən bu əraziləri geri qaytarıb paytaxtı Təbriz olan Böyük Azərbaycan quracaqdım.
Amma… Mən böyüdüm. Üzüm üzlər gördü, həyatın sıx yerlərindən keçməli oldum. Başa düşdüm ki, mən nəinki Böyük Azərbaycan, heç öz həyətimizi böyütə bilmərəm. Çünki, aidiyyatı qurumlar rüşvət istəyəcəklər.
 Davamını oxu

02/07/2015

Rəssamlıq akademiyasının “avara” məzunu PORTRET

July 02, 2015  
Məcid HƏSƏNLİ 
Yəqin ki, hər biriniz paytaxtın mərkəzi küçələrində altdan üstədən kitab yüklü çantalarla qıfıllanmış uzun saçlı, saqqallı, yayda “şortik”lə gəzən bu adamı görmüş olarsınız.

El içində Qurban Məmmədli kimi tanınsa da, əsl adı Qismət olan mənim qəhrəmanımı bəziləri “avara”, digərləri isə, “kitab fədaisi” kimi xarakterizə edir.


Qurban yeraltı kitab kafelərindən birində səssiz bir bucaqda kitab satışı ilə məşğuldur. Bəzən isə, kitablarını vurub qoltuğuna düşür şəhərin mərkəzinə. Kitab satdığına görə, bir neçə dəfə cərimə də olunub. Səbəb budur: niyə kitab satırsan? Ona görə də son vaxtlar şəhərə çox da çıxmır, əsasən, kitaboxuyan gənclərin gəldiyi kafelərə üz tutur. Onu “avara” kimi dəyərləndirənlərinin də, əsas arqumenti elə budur ki, hamının bir-birinə “atdığı”, yaltaqlıqla, alverlə və sair başqa yollarla pul qazandığı dövrdə sən niyə kitab oxumayan toplumda yaşadığını bilərək, yenə də, kitab satmaqda israrlısan?

 Davamını oxu

31/05/2015

Yel

May 31, 2015  


Məcid Həsənli

YEL

Əməliyyat otağında gərgin iş gedirdi.
Ağzıbağlı, əli əlcəkli, ağ xalatlı həkimlər ağır bir əməliyyat keçirirdilər. Xəstənin bağırsağında şiş vardı.
Bağırsaq bir tərəfdən də qarın dərisinə birləşmişdi. Əməliyyatı aparan həkim onu tər basdığını belə hiss etmirdi.
İki saat keçirdi. Hazır qan da kifayət etməyəcəkdi. Xəstənin qanı laxtalanmaya meylli deyildi.
Qanaxma baş verdiyi görünürdü. Hiss olunurdu ki, əməliyyatı keçirənlər şok vəziyyətinə düşürlər. Amma həkimlər heç nədən qorxmurdular. Xəstədi də. İstəyir ölsün, istəyir ölməsin – yaşasın.
 Davamını oxu
Subscribe to: Posts (Atom)
Designed By: Blogger Templates | Templatelib