Facebook ilə Twitter arasındakı 17 fərq!

Facebook ilə Twitter arasındakı 17 fərq!

September 24, 2011  

Türkiyə saytlarından birində gördüyüm yazını dilimizə uyğunlaşdırıb sizlərə təqdim edirəm.

Dünyada əsdirdiyi qüvvətli küləklə mütənasib olaraq Türkiyədə də sürətlə yayılan sosial medianın, heç şübhəsiz iki qabaqcıl bayraqdarı var: Facebook və Twitter… Facebook, Türkiyəyə daha erkən gəlməsinin və zəngin məzmununun üstünlüyüylə ölkəmizdəki internet istifadəçiləri arasında ən çox rəğbət görən sosial şəbəkədir. Twitter isə Facebooka nisbətlə daha dar bir məzmuna sahib olması səbəbiylə, daha məhdud bir istifadəçi kütləsinin vazkeçilməzi… Dərhal hamımız dostlar arasında, internetdə, evdə, iş yerində zaman zaman eyni mübahisə/müzakirəni etmişik: Facebookmu, twittermi? Aşağıdakı fərqləri oxuyunca, ikisinin əslində bir-birindən nə qədər fərqli şeylər olduğunu və bu mübahisə/müzakirənin mənasızlaşdığını birlikdə görəsiyik.

Budur Facebook ilə Twitter arasındakı 17 fərq:

Davamını oxu

Şirzad(ın) kafesi

Şirzad(ın) kafesi

September 09, 2011  

Şirzadın kafesi

Blogger olub da, yazmağa mövzu tapmayanların nəzərinə: bu həftə bloglarımızda getdiyimiz kafelərdən danışacağıq. 

Mən də Şirzad kafesi və ya Şirzadın kafesi deyilən yeraltı kafedən yazmağı qərara aldım.  Mən Şirzad haqqında çoxdan eşitmişdim, amma görməmişdim. Eşitmişdim ki, Azərbaycanın bütün qaymaqlarını oradan tapmaq olar. AYO-lı AYB-li ədəbiyyatımızın nümayəndələrini isə daha çox.  Mən təsəvvürümdə buranı qəribə bir yer kimi canlandırırdım. İlk dəfə Şirzadın kafesinə gələndə gördüm ki, Feysbukdakı bütün aktivistlər, inqilabçılar hamısı burdadı. Bloqlarını oxuduğum Zaur Qurbanlını, Etibar Salmanlını da bu kafedə görmüşəm. Ancaq onlar məni görməyib, çünki həmişə içəridə oluram:D. Hələ yazıçı Seymur Baycanı, şair Kəramət Böyükçölü  demirəm. Onlar da Şirzadı ofisə çeviriblər :).  

Şirzad(ın) kafesi haqqında cümlələrə müasir Azərbaycan ədəbiyyatının nümunələrində rast gəlmək olar. Seymur Baycanın nəsrində, Aqşin Yeniseyin nəzmində əsas da. Aqşin Yeniseyin 2005-ci ildə nəşr olunan "sizin eradan əvvəl" kitabının 125-ci səhifəsində belə bir şeir var:

Şirzadın zirzəmidə yerləşən kafesində görüş

Ey mənim şair dostum, xoş gördük
Otur bir az araq içək
Quran oxuyaq
Nəşə dolduraq..
Bu gecə çox pis yuxular görmüşəm
Əngindəki dişlər töküldüyündən
Çörəyi qabaq dişləri ilə çeynəyən
iyrənc ağızlı qoca görmüşəm
Bilirsənmi şair, dişlər haram tikə yeməkdən yox
Kasıbçılıqdan tökülür, kasıbçılıqdan
Həyətinin və həyatının o biri başında
ayaqyolu qazan
Tərli kəndli görmüşəm yuxuda….
Otur şair, otur qurban olum sənə
On minlərlə insanı ağzında ət qutabı
çeynəyə-çeynəyə
Güllələtdirən Pinoçet
Bu gün sadəcə ev dustağıdır..
Bizim xoşbəxtlik adlandırdığımız təklik
Başqaları üçün cəza növüdür, şair
Otur, otur cəhənnəm olsun Pinoçet
Yaşamaq deyilən şey soyutma yumurtalar
Alaçiy çörək
Bir də bu tut arağıdır
Otur şair
Bir həqiqət süfrəsi açacağam sənə
Sənə qəzetçi dostumun öz anasından
zəhləsi getməsindən
Danışacağam
O özünü doğma anasına deyil
Yatdığı qəhbəyə borclu bilir
Heç vaxt ərə getməyəcəyinə
Və uşaq doğmayacağına söz verən
Şairanə bir qadına
Otur şair, mənə fikir vermə
Mən ağlayanda hicab altındakı arvad kimi
Gözümün müzüyünü tökmürəm
Mən ağlayanda eşşək kimi ağlayıram
Evdə gəzişirəm, qolumdakı saatı açıb
divara çırpıram
Zəng vurub sevdiyim qadını söyürəm
Kitabları təpikləyirəm
Şəkilləri yandırıram
Hiss edirəm ki, evdəki bütün əşyalar məndən qorxur
Bu hiss mənə ləzzət verir….
Qəzetçi dostuma yazığım gəlir şair
onun anasını sikim!
Mən ağlayanda küçədən yağış səsi gəlir
Uşaq vaxtı qurbağaları öldürəndə
Arvadlar bizə deyirdi ki,
Qurbağaları öldürəndə yağış yağır
Mən ağlayanda elə bilirəm uşaqlar
qurbağa öldürüblər
Uşaqlar qurbağalar…. qurbağalar…. ölümlər….
….qurbağalar….
Mənə fikir vermə şair
Otur bir az araq içək
Quran oxuyaq
Nəşə dolduraq….

A. Yenisey

fotolar Kulis.az-dan götürülüb

http://hasanli.blog.com/2011/09/sirzadin-kafesi/

Davamını oxu

Marsel Prustun suallarına Məcid Həsənli cavab verir

Marsel Prustun suallarına Məcid Həsənli cavab verir

June 06, 2011   Müsahibə,

Marsel Prust

Abzas.net-in “20 sual”ına bu dəfə mən öz bloqumda cavab verirəm.

1. Ən sevdiyiniz söz hansıdır?

“Azərbaycan” sözü.

2. Nifrət etdiyiniz söz hansıdır?

Çox sözlər var. İndi xatırlaya bilmirəm hər hansını ki, qeyd edim.

3. Sizi nə həyəcanlandıra bilər?

İstənilən təsadüfi və qeyri-adi vəziyyət.

4. Həyəcanınızı nə öldürə bilər?

Sakitlik.

5. Hansı səsi çox sevirsiniz?

Təbiətin səsi.

6. Hansı səsə nifrət edirsiniz?

Səhər adamı yuxudan oyadan “badımcan, pomidor, xiyar” sədalarına.

7. Hansı peşə (sənət) ilə məşğul olmaq istərdiniz?

Hələ bu barədə fikirləşməmişəm.

8. Hansı fitri istedada sahib olmaq istərdiniz?

Hansısa musiqi alətində gözəl ifa bacarığım olmağı əla olardı.

9. Özünüz olmasaydınız, kim olmaq istərdiniz?

Özümün klonu:)

10. Harda yaşamaq isəyərdiniz?

Cümhuriyyət dövründəki Azərbaycanda.

11. Ən başlıca çatışmazlığınız nədir?

Bir az təmbəllikdən əziyyət çəkirəm. Fikrimdə tutduğum işləri gec həyata keçirirəm ona görə də.

12. Sizin ən çox bəyəndiyiniz pis cəhətiniz hansıdır?

Bəyəndim pis cəhətim ola bilməz axı.

13. Qəhrəmanınız kimdir?

M. Ə. Rəsulzadə və H. Əliyev

14. Çox istifadə etdiyiniz söyüş hansıdır?

Söyüşdən istifadə etməməyə çalışıram.

15. Hal-hazırki əhvalınız (ovqatınız) necədir?

Belə demək olarsa pis.

16. Həyat fəlsəfənizi hansı şüar ifadə edir?

Şüarsızlıq.

17. Xoşbəxtlik yuxunuz (xəyalınız) hansıdır?

Bakıda yolu ağ xətlərin üstündən keçənkən, maşınlar saxlayıb mənə yol verməsi.

18. Sizcə bədbəxtliyin tərifi nədir?

Axmaqlıq.

19. Necə ölmək istəyərdiniz?

Bu haqda da düşünməmişəm.

20. Ölərkən cənnətə getsəniz, Allahın qapıda sizə nə deməsini istərdiniz?

Ümid edirəm xidmətlərimizi bəyənəcəksiniz.

Bu  sualları yazıçı Marsel Prust hazırlayıb. O bu sualları cavabları ilə bir yerdə bir dəftərə yazaraq dostuna doğum günü hədiyyəsi kimi vermişdi. O zaman Marselin cəmi 13 yaşı vardı. Sonra bu suallara Prust 20 yaşında ikən bir daha cavab yazdı. 7 ildə cavablar çox az dəyişmişdi. Lakin bu suallar Prustun ölümündən sonra  tapıldı və çap edildi. Sualların indiki şəklə salınmasına isə  Bernard Pivot ve Ceyms  Lipton yardım edib. Davamını oxu

Balıqroman

Balıqroman

November 10, 2010   Digər saytlarda, Köşələrim,

Hamının roman yazdığı bir vaxtda mən roman yazmaq istəmirəm. İstəmirəm də, əl çəkin. Mən “Balıqroman” yazmaq qərarına gəlmişəm. Bu romanda balıqların daxili və xarici dünyasından yazacağam. Romandakı divarlar isə bu dəfə daşdan, ətdən yox, pulcuqlardan olacaq. Qalan yerlərin isə hələ düşünməmişəm. Gərək bu işin ustası, sənətkarı, professionalı Əsəd Qaraqaplanla məsləhətləşim. Bu axmaq fikir – “Balıqroman”ı yazmaq da hardan ağlıma gəlsə yaxşıdı? İcazənizlə, danışım.

Bir gün Ayxanla küçə ilə yuxarı ya da aşağı (yadımda deyil) gedirdik. Hə, birdən kimsə Ayxanı tanımaz e... Köhnə, əski Kiçikbəydi. Yenə tanımadınızsa qısa arayış verim:

Davamını oxu

Ən yeni ədəbiyyat və ya həya hissinə ölüm!

Ən yeni ədəbiyyat və ya həya hissinə ölüm!

November 03, 2010   Digər saytlarda, Köşələrim,

Mənim həmişə kitab oxumaqdan xoşum gəlib və oxumuşam. Düzdür, qırxayağın ayaqlarının sayından çox oxumamışam, amma yenə də çalışıram daha çox oxuyum. Çünki kitab oxumayan və ya oxumağı bacarmayan insan qırğız yazıçılarından birinin (ondan xoşum gəlmir deyə adını çəkmirəm) əsərindəki kimi “manqurt”dur, ya da ona bənzər bir məxluq – Azərbaycan versiyasıdır.
Gör nə günə qalmışıq ki, Allahın gürcüləri ilə, erməniləri də bizdən çox kitab oxuyurlar. Bu məsələ ayrı söhbətin mövzusudur.
“Qanun” nəşriyyatının çap elədiyi “Ən yeni ədəbiyyat” seriyası adı altında cavan yazıçıların əsərlərinin kitab halında oxuculara çatdırılması özlüyündə böyük, təqdirəlayiq hadisədir. Bu ədəbiyyatımızın inkişafını, yaşarlığını sübut edən haldır. Bir oxucu kimi çap olunmuş əsərlərdən bir neçəsini oxumuşam. Əsərlərdə - misal üçün, Sevinc Pərvanənin “Şəhər” romanında - müsbət cəhətlərlə yanaşı, bəzi eyni xoşagəlməyən xüsusiyyətləri də özüm üçün aşkar etmişəm. Onlardan ikisini sizin diqqətinizə çatdırmaq istəyirəm.
Davamını oxu