Bloqunuz üçün əhəmiyyət verməniz lazım olan 10 təməl qanun

Bloqunuz üçün əhəmiyyət verməniz lazım olan 10 təməl qanun

January 30, 2012  

 Bloq yazmaq mövzusunda məncə ilk ağılda tutulması lazım olan şey sabitlik. Nizamlı bir bloq yazarı vaxtkeçdikcə özünü və bloqunu inkişaf etdirəcək, inkişaf etdirmək məcburiyyətində hiss edəcək. Təbii ki, bəzi nöqtələrə diqqət yetirmək bloqlardan alınacaq səmərəni artıra bilər.

 

 Bunların bir qisimini  Dan Taylorun yazısında tapa bilərsiniz. Mən də bunları köçürüb üzərinə bir neçəəlavə edib, sizlərdən də məsləhət almaq istəyirəm.

 

1. Özünüzü izah edin: Dan Taylorun  ilk diqqət çəkdiyi detal kim olduğunuzu və nə iş etdiyinizi izah etməniz. Şəxsi bloq yazırsınızsa sosial şəbəkə profilləriniz bu işi görə bilər  amma qısaca özünüzü tanıtmanızda fayda var.

İş və ya şirkət bloqlarında isə bu şərh daha əhatəli, amma çox uzun olmamalı. Təşəbbüskarların “haqqımızda” səhifəsində özlərini tanıtması da diqqətə alınması lazım olan bir detal olmalı.

2. Abunəlik:Əgər bloqunuzun interfeysi kifayət qədər yaxşıdırsa bloqunuzun ən möhkəm oxucuları birbaşa gələn ziyarətçilər ola bilər. Ancaq yenə də RSS izləyicilərinizlə rəqabət apara bilməz. RSS abunəliyinin yanına e-poçt abunəliyini dəəlavə etmək lazım ancaq e-poçt üzərində məzmun oxuma nisbəti üçün zamin ola bilmərəm.  Bunun yerinə istifadəçilərinizi sosial şəbəkə hesablarınıza istiqamətləndirə bilərsiniz.

3. İctimai paylaşma: Günümüzün internet dünyasında istifadəçilər arası qarşılıqlı təsiri bloqunuzun xaricinə daşıyacaq sosial şəbəkələr var. Bunun ən güclü nümunəsi də Twitter. Sosial şəbəkələri bloqunuz üçün aktiv olaraq istifadə etməniz sizə gözləmədiyiniz şəkildə kömək edə bilər. Təbii sosial şəbəkələrdə gələn reaksiyalara da açıq olmanız lazımdır. Müxtəlif paylaşma variantları ilə istifadəçilərinizin işini asanlaşdırmağı da unutmayın.

4. Məşhur məzmunlar: Aktual bir bloqun məşhur məzmunlarının ən çox göz qarşısında olması da əhəmiyyətlidir. Ən çox şərh olunan yazıların da oxucuya ayrı bir sahədə təqdim edilməsi lazım olduğunu söyləyən Dan Taylor, yaxşı şərhçilərdən bloqunuza yazı yazmasını da istəyə biləcəyinizi deyir. (Bilməyənlər üçün Ərxan Ərdoğanın bu şəkildə Webrazzidə yazmağa başladığını xatırladım.)

 5. Arxiv: Avstriyalı yazarın diqqət çəkdiyi, mənim isə çox maraqlı tapmadığım amma olması lazım olduğuna inandığım nöqtə isə arxiv hissəsi. Taylor “Kateqoriya” əsaslı sıralama ilə oxucuların daha asan axtarış edə biləcəyini müdafiə edir və son olaraq bloqunuzun ödənişsiz olmasının lazım olduğuna diqqət çəkir. Bu nöqtədə“şəxsi bloq” yazanlarınən yaxşı yazılarını ayrı bir səhifədə göstərməsini və e-poçt abunələrinə xüsusi göndərəmlər etməsini təklif edə bilərəm.

6. Xüsusi məzmun: Bloqunuzun internet dəryasında qalıcı olmasını istəyirsinizsə xüsusi məzmuna əhəmiyyət verin. Kopiya məzmunlardan ibarət olan bloq və forumların daimi ziyarətçisi sıfıra yaxındır. Ümumi xəbəri açıqlasanız da öz sözlərinizi seçin. Sanaram bu detalı çox şərhə ehtiyac yoxdur, bilinən amma çox əhəmiyyət verilməyən bir həqiqətdən bəhs edirəm.

7. Reklamlar: Oxucularınız bloqunuzda olduğu müddətcə qonağınızdır və kimsə narahat edici bir mühitdə çox qalmaq istəməz. Əgər bloqunuzda reklam nəşr edirsinizsə olmadıq yerlərə reklam qoymayın. Bir xəttiniz olsun və bunu qoruyun. Dizaynınızı pozacaq təkliflərdən qaçının.

8. Qalıcılıq: Yazılarınızda bir xəbər axışı qədər ömrü olan yazılardan qaçınmağa çalışın. Odkimi parlayıb hər kəsin marağını çəkəcək yazılar yerinə, hədəfinə çatan və istifadəçiləri geri çevirəcək yazılar yazın.  

9. Sadə və qısa izahat: Yazılarınızı hər nə qədər anlayışı yüksək kəslər oxusa da beyni çox yormayan cümlələr qurmağa çalışın. Qısa cümlələr qurmaq mövzusunda özünüzü inkişaf etdirin və yazını gərək olmayan detallara girmədən tamamlayın. (Bu detalı xüsusilə özüm üçün əlavə etdim.)

10. Axtarış: İstifadəçilərinizin bloqunuzda axtarış etməsini asanlaşdırın. Əgər Techcrunch-ın yeni dizaynında axtarış etdinizsə nə demək istədiyimi daha rahat anlaya bilərsiniz. Əgər biri bloqunuzda bir şey axtarırsa, ona ən asan  yolu göstərin.

Bonus: Nəbzi tutun. Bu hələ standart əlavələrin cavab verə bilmədiyi bir vəziyyət olsa da, oxucularınızı anlıq və ya saatlıq məşhur məzmunlardan xəbərdar edə bilərsiniz. Bu oxucularınızın bloqunuza gəlməsi üçün bir səbəb təşkil edər, amma “şəxsi bloq” yazanların buna ehtiyac duyacaq qədər olmadığını da qəbul edirəm.

webrazzi.com

Türkiyə türkcəsindən uyğunlaşdırdı: Məcid Həsənli 

  Davamını oxu

Mən tolerantam

Mən tolerantam

January 23, 2012  

Bu günlərdə saytların birində mənasız yazı oxudum. Müəllif deyir ki, ruslara nifrət etdim. Açığı başlığı görəndə mənə elə gəldi ki, yazı 20 Yanvar qətliamında iştirak edən əsgərlərə "veteran" verilməsi haqqındadır.

Yazını oxuduqca gördüm ki, söhbət tamam ayrı mövzudadı. Rusların bizə və qafqazlılara davranışı haqqında. Belə çox gülməli.

Heç bu səbəbə görə görə də hər hansı millətə nifrət etmək olarmı? 

Ruslar sizə - bizə - neyləyib?

 

Cavab verə bilərsiniz ki, daha nə etməyiblərki...

* rus imperiyası 27 ilə Şimali Azərbaycanı tamamilə işğal edib, sonra 90 il öz hakimiyyəti altında saxlayıb

* Sovet rusları 71 il Azərbaycan Cümhuriyyətini öz hakimiyyətində saxladı

* yuxarıda deyilən zamanlarda ermənilərin əli ilə soyqırımlar törətdi

* Azərbaycan müstəqillik qazanandan sonra ermənilərin əli ilə Qarabağı nəzarətə aldı

 

Və bunları bilən AZƏRBAYCAN xalqının adekvat tədbirləri nə oldu bəs? XALQ.

* keçmiş SSRİ ölkələri arasında ən gec Azərbaycanda Rusiya telekanallarının yayımı dayandırıldı

*keçmiş SSRİ ölkələri arasında yalnız Azərbaycanda rus dilində təhsil ləğv edilmək əvəzinə, daha da çiçəkləndirildi, rus dili institutu universitetə çevrildi, Moskva Dövlər Universitetinin Bakıda filialı açıldı

*Rusiyadan hansısa müğənnə gələndə, camaat zalı doldurur

*Bakının mərkəzində işçiləri Azərbaycan dilini bilməyən iaşə xidməti göstərən obyektlər göz oxşuyur

*TV-lərdə xarici filmlər dövlət qadağa qoyanadək rusca göstərilirdi

Bu siyahını çox uzatmaq olar, əlbəttə. Bunlardan sonra niyə görə böyük rus millətinə nifrət etməliyik? Başqasında ayıb axtarmaqdansa, özümüzdə örtmək yaxşıdı. 

 

Davamını oxu

Ümid sizədir ancaq

Ümid sizədir ancaq

January 12, 2012  

Görəsən ancaq bizdə elədir, ya hər yerdə belədi. Ölkəmizdə çox sahədə qeyri-peşəkarlar, təcrübəsizlər çalışır. Qəzeti açırsan, bilmirsən nə yazıb, ya da ki, "Filankəsin qızının şəkilləri", qrammatik səhvlər də ki, daha heç.

Televiziyalarda aparıcıların çoxu intellektsiz, kitab oxumayan, dünya görüşü "Türksat" kanalları çərçivəsində olan adamlar.

Xəbər saytlarına baxırsan, tema pis gündə, yaydıqları xəbər serial anonsları.

Nə bilim e, biz belə hara gedirik. Hara baxıram professionallar yerinə, işbacarmazlar işi aparır.

Hələ bəyənmədiyiniz Turan "Günəbaxan"ı aparanda ciddi problemlərdən danışılır, sosial mövzular olardı, indi hərbiləşdirilmiş adam İlqar Mikayıloğlu Rəqsanənin filan problemlərin həll eləyir, camaat yaddan çıxıb.

Nə isə... Heç bir sahədə ürəyimizdən tikan çıxmır. Təkcə, Eurovision-la təsəlli tapırıq.

Bu gün öyrəndim ki, geylər öz saytlarına yazıblar ki, bəs biz Bakıda parad edəcəyik. Özüm də baxdım və gerçəkliklə üz-üzə qaldım. Sonra bu xəbər facebook-da statuslara sıçradı. Ən maraqlısı isə, bu xəbərə aid gic-gic statuslar oldu. Mən vətənşüvən etirazları nəzərdə tutmuram, onsuz da onlar boş şeydi. Söhbət bu gey-parada münasibət haqda yazılanlardan gedir. Bəziləri deyir ki, guya mentalitet aşiqləri, Hüseyn aşiqləri bu parada imkan verməyəcəklər. Ay bala, bu camaat elə bir şeydi ki, "yuxarı"dan desələr ki, ged geylərlə parada çıx, çıxarlar.

İndi bu qeyri-professionalların zamanında, ümidimiz ancaq milli-geylərədir ki, onlar dövlətimizi  paradda ləyaqətlə təmsil etsinlər. Davamını oxu

Allah görür

Allah görür

December 28, 2011  

Mən Allaha inanıram. Təkcə Allaha. Bilirəm ki, Allah var, dünyanı idarə edir. Amma bəzən insanda ateistvari düşüncələr meydana gəlir.

Biz bilirik ki, Müqəddəs Quranda yazılıb ki, Allah ədaləti bərpa edən, günahkarları cəzalandırandır. Ancaq ki, elə çox da uzağa getmiyək İrana, Koreyaya filan, ətrafımıza nəzər salaq.

Görəcəyik ki, nə qədər günah işlədən, başqa insanlara ziyan vuran, hər cür əclaflıqlar edən, xalq arasında işlədilən ifadəyə uyğun "özünü axrıncı yola qoyanlar" var.

Bəs hanı bunların cəzası? Cəzasızlıq nə qədər hökm sürər?

Adamlar var ki, vicdansızlıq, namussuzluq, qeyrətsizlik edib özlərinə gün ağlayırlar, öz ailələrini yerbəyer edirlər.

Günah işlətməyin də fərqi var. Bir var içki içir, fahişəliklə məşğuldu və ya intihar edir. Bunlar başqa məsələ. Bu tip günahları insan özü-özünə edir və özündən başqa kiməsə ziyan çəkdirtmir.

Bir də var ki, başqasının namusuna, puluna, mülkünə göz dikir, digər insanların həyatını bərbad günə qoyur, kiminsə cibinə nəşə atıb tutdurur, qazı gecənin yarısı bağlayıb-açıb partlayış edir. Bu günahları edən hərəsinə aid peşəkar günahkarlar mövcuddur.

Bəs Allah niyə bunların cəzasını vermir? Axı məzlumların yalnız ümidi Onadır, qalan bütün instansiyalardan ümidlərini kəsiblər.

Bayaq TV-ə baxıram, "qaz" səlahiyyətlisi deyir ki, Allah ölənlərə rəhmət eləsin, lakin olanlara biz cavabdeh deyilik. 

Davamını oxu

Etiraf edirəm ki...

Etiraf edirəm ki...

December 15, 2011  

Etibar Salmanlının düşündüyü zəncirvari bloq yazıları layihəsi elə Etibar Salmanlının diqqəti və qayğısı sayəsində uğurla davam edir. Bloggerin ideyasına görə, hər postun sonunda başqa bir bloq yazan tag olunmalıdır. Çox gənc bloqçu Hacı Zeynallı bu layihəyə uyğun "etiraf" silsiləsi başlatdı və məni də tag elədi. Mən da başlayım etiraflarıma. 

Etiraf edirəm:

• Bəzən nəyisə etiraf eləməyə utanıram, həyəcandan titrəmə tutur;


• İlk dəfə xarici ölkədə olarkən düşünürdüm ki, gələn kimi YAP-ın üzvi olacağam;


• Qızlara heç marağım yoxdu. Gey deyiləm, ama Robinzon kimi keçini tutub əhliləşdirməkdənsə, üçdən beşdən verib hazır keçi alaram;


• Monarxiya tərəfdarıyam. İstərdim ki, min yeyəndənsə, bir yeyən olsun, təki demokratiya görək;


• 2009-dan Facebook-da hesab açıb, amma işlətmirdim ki, hamı ordadı gözdən düşüb. bir də 2010-un yayında ilk statusu yazdım;


• Qəddafi öləndən sonra facebook-da yenə də "Qəddafiçilik"lə məşğul olanlara deməyə sözüm yoxdu.


• Bütün cinsi oriyentasiyalara qarşı tolerantam. Onlar da insandı;


•  rus saytlarından istifadə etməməyə çalışıram. Ən azından düşmənə belə zərər verə bilərəm məncə;


• Xalqımın mənliksiz olması, bütün olanlara baxmayaraq, yenə də rus-erməni sevgisinin olması məni azərbaycanlı olduğuma peşman edir;


• Azərbaycanı sevirəm, Bakını isə yox;


• Ən çox Türk olmağımla təsəlli tapıram, çünki Azərbaycanda başqa təsəlliverici heç nə yoxdu;


• Özüm özümə bundan sonra İrana qarşı heç nə yazmamağa söz verdim. Çünki, İrana qarşı bir söz yazanda, axmaq fars mollaları fitva filan verir, burda da kimin səndən xoşu gəlmirsə vurub öldürür, iş də qalır İranın üstünə;


• Qız olsaydım evdə qalardım, bu "Oğuz igidləri" yalnız dişi eşşəklərə layiqdir :D ;


• Həmişə blog post yazanda, əvvəldən tweet edirəm ki, yazıram gözləyin;


• Blogger deyəndə ağlıma gələn ilk sözlər Adnan və Emin olurdu, sonradan Turxan, Etibar və başqa bir neçə söz də əlavələndi;


• Kitabdan çox bloq oxuyuram. Lakin hamını yox bəzi bloqçuları. Adlarını desəm, qorxuram ki, sonra məni saymazlar birdən :) .

Nə isə... Məncə, bu qədər etiraf yetər. Əslində çox etiraflar var e, ancaq indilik bu qədər. Özdə bu yazını yazandan sonra oxumamış public edəcəyəm, korrektəsiz. Bu tag ənənəsinə uyğun Ülvi və Nərmin Həsənli, Ziya Zamanlı, İlqar Abbas da öz etirafları etsin, oxuyaq.


Davamını oxu